№ 2 Дәріс Бейбіт уақыттағы төтенше жағдайлар. Бейбіт уақыттағы зақымдану ошақтарының сипаттамасы.
Дәріс жоспары: 1. Төтенше жағдай заңына (1996ж.) сәйкес дүлей зілзалаға, аварияға анықтама. 2. Төтенше жағдайлардың жіктелуі. 3. Табиғи аппатар: түрлері, оларға қысқаша сипаттама беру. 4. Өндірістік авариялар, олардың қауыптілігі.
Төтенше жағдай –адамдардың қаза болуына әкеліп соқтыратын, олардың денсаулығына, қоршаған ортаға, шаруашылық нысандарға нұсқан келтіретін, халықты едәуір дәрежеде материалдық шығындарға ұшырататын, тіршілік жағдайын бұзатын авария, зілзала немесе апат салдарынан белгілі бір аумақта туындаған жағдай.
Қазақстан Республикасына табиғи және техногенді сипаттағы барлық төтенше жағдайлар тән. Ал, мұхиттарда болатын төтенше жағдайлар - цунами, тайфундар бізде кездеспейді.
Цунами Японияда 1971 жылы Исигаки аралының жанында цунамидің ең биік толқыны 85 метр, ал оның жылдамдығы сағатына 700 км болғаны тіркелген. Индонезия жағалауында Жер сілкінісінен болған Цунами 250 мың адамның өмірін алып кеткен.
Японияда 2011 жылы 11 марта қатты жер сілкінісі (9 – 9,1 магитуда шамасында) әсерінен болған цунамиден 15 896 адам қайтыс болған, 2 536 адам табылмаған, хабарсыз кеткен, 6 157 адам жарақаттанған, 25 000 адам құтқарылған.
«Табиғи және техногендік сипаттағы төтенше жағдайлар туралы» (5.07.96 ж) ҚР Заңы, республика аумағындағы табиғи және техногендік сипаттағы төтенше жағдайларды ескерту мен жою жөніндегі қоғамдық қатынастарды реттейді. Онда халықты, қоршаған ортаны, шаруашылық объектілерін төтенше жағдайлардан және одан туындаған салдардан қорғау мемлекеттік саясат жүргізуде басым салалардың бірі екені атап көрсетілген.