Жеке амин қышқылының спецификалық метаболикалық реакцияларына қатысады: серин, треонин, триптофан, құрамында күкірт бар аминқышқылдары
Әдістің негізі. Пиридоксиннің ерітіндісіне хлорлы темір ерітіндісін қосқанда сұйықтық қызыл түске боялады, себебі темірдің феноляты типтес комплексті қосылыс түзілу салдарынан.
Қажетті құрал -жабдықтар: 5 % пиридоксиннің судағы ерітіндісі, 5 % хлортемір ерітіндісі, пробиркалар, пипетка.
Жұмыс барысы:5 тамшы 5 % пиридоксиннің судағы ерітіндісіне 1 тамшы 5 % хлортемір ерітіндісін қосып, шайқаймыз, сұйықтық қызыл түске боялады.
2 - жұмыс С витаминінің метилен көгімен әрекеттесуі
Қысқаша теориялық мәліметтер. Аскорбин қышқылы (С витамині) - адам мен жануарлар организмдеріндегі тотығу-тотықсыздану процестерін реттеп, организмнің түрлі ауруларға қарсы түру қабілетін күшейтетін, суда еритін витамин. Аскорбин қышқылы өсімдіктер мен кейбір жануарлар организмдерінде түзіледі. Витамин С көптеген өсімдіктерде, қымызда (бие сүтінде) көп болады. С витаминінің адам организмінде жетіспеуі құрқұлақ ауруына шалдықтырады
Аскорбин қышқылы Дегидроаскорбин қышқылы
Әдістің негізі. С витаминінің метилен көгімен әрекеттесуін анықтау.
Қажетті құрал -жабдықтар: Аскорбин қышқылы ерітіндісі, 0,01 % метилен көгі ерітіндісі, тығын, пробирка, термостат, пипетка.
Жұмыс барысы: 1 мл аскорбин қышқылы ерітіндісіне 1 мл 0,01 %-дық метилен көгі ерітіндісін қосады, араластырады және ауамен жанасудан қорғау үшін тығынмен жабады. Пробирканы 37-40 0С температуралы термостатқа қояды. Біраз уақыттан кейін пробиркадағы сұйықтық метилен көгінің түссіз лейкоформаға тотықсыздануы есебінен түссізденеді.
Аскорбин қышқылы дегидроаскорбин қышқылына дейін тотығады. Егер содан кейін метилен көгінің түссіз ерітіндісін ауада шайқаса, қайтадан көк түс пайда болады.
3- жұмыс С витаминінің калий гексацианоферратымен (+3) реакциясы
Достарыңызбен бөлісу: |
