Шымкент - 2021 Орталық Азия инновациялық университетінің 2021-2025 жылдарға арналған стратегиялық даму жоспары.Қазақ инновациялық университетіҒылыми кеңесінің мәжілісінде қайта қаралып, бекітілді (№1 хаттама, 26 наурыз 2021ж.).
Орталық Азия инновациялық университетінің даму жоспарында ХХІ ғасыр басындағы жоғары кәсіби білім беру перспективалары талданып, білім беру жүйесінің жаһандану және интеграциялану жағдайларындағы жоғары білім беруді дамыту, ондағы қазіргі әлемдік үрдістердің қолданылуы қарастырылады.
Қазақстан Республикасы Президентінің өмір сүру мен еліміздегі адам ресурстарының сапасын жақсарту мақсатындағы ғылым, білім беру кешенінің алдына қойған міндеттеріне басты назар аударылады.
Орталық Азия инновациялық университетініңдамуының басты білім беру концептуалдық принциптері ретінде білім беру мен ғылымды іргелендіру, ізгілендіру, ақпараттандыру және интеграцияландыру мәселелері көрсетілген және соған негізделген.
Орталық Азия инновациялық университетінің маңызды бағыттарына білім беру қызметінің сапасын жақсарту, оқыту мен тәрбиелеу интеграциясын қамтамасыз ету, білім беру үдерісінде субъектіде патриоттық сезімді қалыптастыру, бәсекеге қабілетті салауатты ортада жеке тұлғаның өзін өзі дамытуы, әлемдік еңбек нарығында жас ұрпақтан бәсекеге қабілетті кадрлар даярлау жатады.
