Әдемі күлкі, әдемі жымию –іскерлік әлеміндегі ең қажетті қасиеттердің бірі. Адамдармен тіл табысудың тағы бір кілті – жылы қабақ таныту, жымия білу.
Сөйлеушінің даусы құбылмалы, әрі жайдары болса, тыңдаушы бар ынтасымен тыңдайды. Сыпайы, келісті сөз сөйлеушінің абыройын арттырады, тыңдаушының ықыласына бөлейді, ол туралы жақсы пікірілердің қалыптасуына септігін тигізеді.
Әр түрлі әлеуметтік ортада өз орнымен сөйлеу – үлкен мәдениеттілік. Үлкен жиындарда сөз ресми түрде болса, күнделікті қарым—қатынаста басқаша сөйленеді. Қанша ділмар, шешен болса да, әр жастағы адамдармен өзінше қарым-қатынас тәртібін сақтау абзал.
Сыпайы, келісті сөз сөйлеудің қандай маңызы бар?
Айтуға ұят, мазмұны нашар, дөрекі сөздермен сөйлейтін адамдар кімдер ?
Үлкен кісілер неге Мәке, Сәке, Жәке деген қысқартуларды қолданып сөйлейді?
Төмендегі іскер адамның басты қасиеттерінің ішінде ең маңыздысы қайсы? Өз ұсынысыңызды жазыңыз. Қарым қатынас орната білу неге өте маңызды және неге ол барлық іскер адамдарға керек депойлайсыз?
