S2– - сульфид ионын ерітіндінің жеке бөлігінен қорғасын ацетатымен немесе оны бос күкіртке дейін тотықтырып анықтайды. S2-ионы хлор, бром, йод иондарының ашылуына бөгет болады, сондықтан олардан ерітіндіні тазарту қажет. Ол үшін 5-6 тамшы бейтарап немесе әлсіз сілтілі ерітіндіге (рН=7-9) ZnSО4 ерітіндісін қосып қыздырады. Пайда болған мырыш сульфидін ZnS бөліп, центрифугаттан Сl-, Br-, J- иондарын анықтайды.
Br– - бромид ионын табу. Бром ионын оны хлор суымен бос бромға дейін тотықтыру арқылы бензол қатысында жүзеге асырылады, егер де ерітінді құрамында тотықсыздандырғыш аниондар S2-, SО32- болса, оларды алдын-ала қышқылдық ортада (калий перманганаты КМnО4 көмегімен) тотықтырады.
Тәжірибе: Зерттелетін ерітіндінің 5-6 тамшысына 2 тамшы 2н күкірт қышқылын қоса-ды. Араластыра отырып ашық қызғылт түс пайда болғанша калий перман-ганатын KMnО4 тамшылатып қосады. Дайын болған ерітіндіден бромид-ионын Вr- анықтайды.
