Жұмысты орындау реті: 1 Шұжық өнімінің сынамасын химиялық анализге дайындау

Жұмысты орындау реті:

1 Шұжық өнімінің сынамасын химиялық анализге дайындау

Алдын ала кептіріліп массасы тұрақтанған бюкске 10 г құм салып температурасы 100-105^оС жеткізілген кептіргіш шкафқа 30 минутке орналастырады. Көрсетілген уақыт өткен соң бюксты суыту үшін эксикаторға көшіреді 10-15 минутке. Комната температурасына дейін суыған құм салынған бюкс таразыда өлшенеді (m₀). Осыдан кейін бюкске 5 г жуық шұжық өлшендісін салып құммен араластырып таразыда өлшейді (m₁). Содан кейін бюкстің қақпағын ашып кептіргіш шкафқа 60 минутке кептіруге қояды. Көрсетілген уақыт өткен соң бюксты суыту үшін эксикаторға 10-15 минутке қойып суытып өлшейді (m₂). Кептіру, суыту, өлшеу операцияларын масса тұрақтанғанша бірнеше рет қайталайды.

Кептіру барысында бюкске салынған өлшенді массасы тұрақтанғаннан кейін шұжық құрамындағы су мөлшері мына формула бойынша есептеледі:

осындағы:

1. Гравиметриялық анализдің негізгі шарттары қандай?

2. Заттарды сандық анализге қалай әзірлейді?

3. Анализ қатесін қалай есептейді?

4. Ва²⁺ ионын анықтау қандай реакцияға негізделген?

5.Кристаллогидрат құрамындағы, мысалы СuSО₄▪5Н₂О, су мөлшерін қалай есептейді?

6. Кальций хлоридінің 2,94 г кристаллогидратын қыздырғанда 1,45 г су бөлініп шықты. Кристаллогидраттың формуласын табыңдар?

7. Алюминий сульфатының ертіндісін талдаған кезде SО₄^2- ионы ВаSО₄ түрінде тұнбаға түсті. ВаSО₄ –тің салмағы 0,2640 г. Ертіндідегі AI₂(SО₄)₃ салмағын анықтаңдар.

8. 125 г мыс (II) сульфатының кристаллогидратын қыздырғанда 80 г СuSО₄ алынды. Мыстың кристаллогидратындағы судың массасын және кристаллогидраттың формуласын табыңдар?

9. Анализге алған 0,4620 г пиритті (FеS₂) өңдеп, қыздырған соң 1,744 г ВаSО₄ түзілді. Пириттегі күкірттің мөлшерін анықтаңдар.

10. 0,5210 г әк тасын (известнякты) қыздырып, өңдеген кезде 0,2218 г СаО алынды. Табиғи известняктағы СаСО₃-ның массалық үлесін есептеңдер.
Анализ қателерін есептеуге арналған есептер:

1. Орташа мәнді қалай табады. Абсолют және салыстырмалы қателер қалай есептеледі?

2.10 мл тұз қышқылын титрлеуге 5,1; 5,0; 5,2; 4,9; 5,3 мл NаОН кетеді. Тұз қышқылын титрлеуге кеткен NаОН-тың арифметикалық орташа мәнін табыңдар.

3. Ертіндідегі SО₄^-2 ионы ВаSО₄ түрінде тұнбаға түсірілген құрғақ зат массасы 0,059; 0,062; 0,065; 0,057 г болған. ВаSО₄-ның арифметикалық орташа мәнін анықтаңдар.

4. Аммоний нитратында 35,05% азот бары анықталған. Анализдің абсолютті және салыстырмалы қателерін есептеңдер.

5. Суперфосфатта 60,62% Р₂О₅ бары анықталған. Анализдің абсолютті және салыстырмалы қателерін есептеңдер.

6. СаСI₂▪6Н₂О-да судың мөлшері 52,62% екендігі анықталған. Анализдің абсолютті және салыстырмалы қателерін есептеңдер.

7. Ізбес тасында 35,6; 36,1; 35,8 % Са бары анықталған. Са мөлшерінің арифметикалық орташа мәні нешеге тең?

8. Ішетін суда йодтың мөлшері 0,28; 0,32; 0,30 мг/л. 1 л судағы иодтың арифметикалық орташа мәні нешеге тең?

9. Ішетін суда NаСI мөлшері 0,150; 0,155; 0,152% тең. NаСI-нің мөлшерінің арифметакалық орташа көрсеткіші нешеге тең?

10. ВаСI₂▪2Н₂О-да 14,70% кристалданған су бар екендігі анықталған. Формула бойынша судың мөлшері 14,75% -ке тең. Анализдің абсолютті және салыстырмалы қатесін есептеңдер.