Комплементті байлау реакциясы. Комплементті байлау реакциясы (КБР) 1901 ж. Борде және Жангу енгізген. Реакцияға комплементтен басқа антиген, антидене және гемолизин мен қошқар эритроциті қатысады. Гемолизин мен қошқар эритроциті көрсеткіш (гемолитикалық) жүйе болып саналады. Екінші тексерілетін жүйеге антиген-антидене жатады. Бұл жүйеде тексерілуіне байланысты антиген немесе антидене титрі белгілі болу керек. КБР негізіне комплементтің антиген-антиденеден тұратын иммунды комплекспен (ИК) байланысуы жатады. Егер тексерілетін жүйеде антиген-антидене (ИК) пайда болса, онда комплемент ИК байланысады, сондықтан екінші жүйедегі гемолизин-эритроцит өзгеріссіз қалады, яғни тексерілген қан сарысуында іздеген антидене бар болып, реакция оң болады. Егер тексерілетін қан сарысуында антидене болмай, антиген ИК түзбесе, онда комплемент гемолизін-эритроцитпен байланысу арқасында эритроциттердің қабығы ыдырап, еріп кетеді, яғни реакция теріс деп бағаланады.Төменде біз қарапайымдылар антигеніне жүргізу үшін, ұсынылып отырған реакцияны қою әдісін келтіріп отырмыз.
Достарыңызбен бөлісу: |
