Арнайы мектепке дейінгі білім беру ұйымдары қызметінің үлгілік қағидалары
Психикалық дамуы тежелген балалар үшін
жүктеу/скачать 173,42 Kb.
|
@8; 65=85 07
| 2.5 Психикалық дамуы тежелген балалар үшін
24. Психикалық дамуы тежелген балаларға арналған арнайы (түзету) білім беру ұйымы ерекше: оқушылардың психикалық дамуы мен эмоционалды-ерік аясын түзету, олардың танымдық қызметін белсендіру, оқу қызметін қалыптастыру міндеттерін шешеді. 25. Психикалық дамуы тежелген балаларға мектепте білім берудің құрылымы төмендегідей: 1) бастауыш білім беру деңгейі – мектепке даярлық сыныптар (бұдан әрі - мдс), 1-4 сыныптар; 2) негізгі орта білім беру деңгейі – 5-10 сыныптар. Негізгі орта білім беру деңгейінен кейін бітірушілер жалпы орта білім беру деңгейінде және мамандық алу үшін жалпы білім беру мектебіне немесе техникалық кәсіптік колледждерге ауысады. 26. Арнайы сыныптарды толымдау оқытудың бастапқы сатысында – мдс, 1-сыныптар мен кейбірде 2-сыныпта іске асырылады. Оқушыларды жалпы типтегі жалпы білім беру сыныптарына кіріктіру оқытудың кез келген сатысында қарастырылған, сондай-ақ психикалық дамуының айқын байқалатын тежелістері кезінде негізгі орта білім беру деңгейінде арнайы сынып жағдайында білім алуды жалғастыру мүмкіндігі қарастырылған. 27. Оқу күнінің ұзақтығы балалардың шамадан тыс шаршауын ескере отырып белгіленеді: ұзартылған күн тәртібінде бірінші ауысымда оқыту. 28. Бастауыш білім беру деңгейінде арнайы бағдарламалар мен арнайы әдістемелік және дидактикалық материалдарды қолдану қарастырылған. Негізгі орта білім беру деңгейінде оқушылар мазмұны оқыту мерзімі (1 жылға) ұлғаюына байланысты қайта қарастырылатын және әр пән-мұғалімі оқушылардың мүмкіндіктеріне бейімделетін жалпы білім беру мектеп бағдарламалары бойынша білім алады. 29. Оқытудың түзете-дамыту бағыттылығы жалпы білім беру циклінің пәндері, түзету пәндері шеңберінде, сондай-ақ қосымша білім беру жүйесінде жүзеге асырылады. Басқа пәндерге балама ретінде эмоциялық-тұлғалық аясын түзетуді және оқушылардың танымдық әрекетін белсендіруді іске асыруға мүмкіндік беретін эстетикалық циклдегі пәндер (музыка, бейнелеу өнері, дене шынықтыру) саналуы тиіс. 30. Оқу жоспарының түзету компоненті мынадай түзету курстарын («Қоршаған ортамен таныстыру және сөйлеу тілін дамыту», «Түзету ырғағы», «Әлеуметтік-тұрмыстық бағдарлау» (ӘТБ) және жеке-топтық түзету сабақтарын («Сөйлеу тілінің кемшіліктерін түзету» (логопедиялық сабақтар), «Білім алуындағы олқылықтардың орнын толтыру бойынша міндетті түрдегі жеке және топтық түзету сабақтары») қосады. 31. «Білім алуындағы олқылықтардың орнын толтыру бойынша жеке және топтық түзету сабақтары» оқу бағдарламасын меңгеруде қиындыққа кездесетін оқушылар үшін ұйымдастырылады. Сабақтар жеке немесе оқу қиындықтарының ұқсастығы негізінде жинақталған шағын топтарда (2-4 оқушы) жүргізіледі. Бастауыш сынып оқышуларымен жеке-шағын топтық түзету сабақтарын сыныптың негізгі мұғалімі өткізеді. Сабақтарды өткізу ұзақтығы 20-25 минут. Түзету сабақтары жұмыстың әртүрлі нысандары мен түрлерін, балалардың заттық-практикалық және ойын әрекеттерін қолдана отырып, мазмұнын, оқу сабақтары нысанын қайталамауы тиіс. 32. 6-10 сыныптарда білім алуындағы олқылықтардың орнын толтыру бойынша жеке-топтық сабақтарға бөлінген сағаттар пән-мұғалімдері арасында бөлінеді. Білім алушының белгілі бір топта болу ұзақтығы ерекше қиындықтарды түзету дәрежесімен және сыныппен бірге тапсырмаларды орындау дайындығымен анықталады. Сөйлеу тілінде бұзылыстары бар оқушылар үшін логопедпен жеке және шағын топтық сабақтар жүргізіледі. 33. Даму кемшіліктерін алдын алуға («Бейнелеу әрекеті», «Қолданбалы өнер», жүзу, ЕДШ) және еңбекке даярлау бойынша қосымша сабақтарға бағытталған факультативтердің сағаттарын балалардың әлеуметтенуіне мүмкіндік беретін («Сөйлеу тілі және қарым-қатынас мәдениеті», «Өмірлік іс-әрекет қауіпсіздігін қамтамасыз ету», «Экономикаға кіріспе») курстар үшін қолданған жөн. жүктеу/скачать 173,42 Kb. Достарыңызбен бөлісу:
|