Ата –аналар жиналысы №1 хаттама қыркүйек айы 2022 ж қатысқандар: 16 қатыспағандар: 10
Күн тәртібінде 1.Жаңа оқу жылымен таныстыру.
Ата- аналар комитетінің жаңа құрамын сайлау.
2. Ата-аналарға арналған сауалнамалар.
3. «Отбасы тәрбиесіне қатысты ата-аналарға педагогикалық – психологиялық кеңес беру» Тыңдалды: Өткен оқу жылына қорытынды.
Сөйледі: Директоры оқу ісі жөніндегі орынбасары Л.М.Каржауова өз сөзінде колледжде атқарылған бір шама жұмыстар туралы айтып өтті. Колледждің жөндеу жұмыстары бойынша сынып бөлмелері, дәліздер,спорт залы түгелдей әктетіліп, сырланды. Барлық терезелердің сынық әйнектері ауыстырылып жаңа оқу жылына дайын екендігі айтылды.
Студенттердін білімдері туралы айтып, алда студенттердін білімін қадағалауларын ата-аналарға оқытушыларға тапсырды. Жаңа оқу жылында білімді студенттеріміз көп болсын деген тілекпен сөзін аяқтады.
Тыңдалды: ата-анаға арналған сауалнама жүргізілді.
Сөйледі: колледж психологі Ж.А.Бижанова
Бала тәрбиесі – игілікті іс берері де, сұрары да, жемісі де мол тәрбие, халықта «Ағаш түзу өсу үшін оған көшет кезінде көмектесуге болады, ал үлкен ағаш болғанда оны түзей алмайсың»-деп бекер айтылмаған. Сондықтан баланың бойына жастайынан ізгілік, мейрімділік өз-өзіне сенімділікке тәрбиелеу отбасы мен педагогтар шешуші роль атқаратындығы белгілі.
Бүгінгі қыз – ертенгі ана ол шешеге қарап өсіп, бой түзейді. Балаға білім тәрбие беруде басты тұлға ұстаз болса, оны жалғастырушы, демеуші ата-ана және қоғам.
Ертенгі ана бүгінгі қыздарды тәрбелеу ананың және баршаның борышы қыз баланы құрметтеу, олардың алдында дөрекі сойлемей ізетті болу халқымыздың игі дәстүрінің бірі.
Ал қазіргі таңда бала тәрбиесіне радио, теледидар,ұялы телефон, газет журнал мен дискатекалар жан – жақты әсер етіп оны тәрбиелеуде. Ата – аналар күн ұзақ жұмыста, бала тәрбиесіне бөлінетін уақыт аз. Сондықтан қыздарымыз бен ұлдарымызға өзімен өзі қалып бара жатқан жайы бар.
Сондықтан әрбір қыз болсын, ұл бала болсын балаға ата-анасы, туыстары,ұстазды сыйлау, үлкенді қадірлеуді үйретсе болашақта халқын сүйетін өз шаңырағын атқаратын, қайратты жан, нәзік ару, намысты ұл шығары сөзсіз деп сөзін аяқтап бейне ролик көруді ұсынды.
