ГЛОССАРИЙ Аваль – вексельдік кепілдік, бұл жағдайда оны жасаған тұлға вексель бойынша міндетті басқа тұлға үшін вексельбойынша төлем жасауға өзіне міндеттеме алады.
Айлық есептік көрсеткіш – зейнетақы, жәрдемақы және өзгедей төлемақыларды есептеу үшін, сондай-ақ айыппұл санкцияларын, салық төлемдері мен басқа да төемдерді қолдану үшін республикалық бюджет туралы заңда жыл сайын белгіленетін көрсеткіш.
Аймақтық бағдарлама – мәслихаттар бекітетін, аймақтың әлеуметтік-экономикалық дамыту міндеттерін шешуге бағытталған бағдарлама.
Акционерлік қоғам – жарғылық қоры акционерлердің арасында таратылған акциялардың белгілі бір санына бөлінген заңды тұлға, акциялардың саны олардың пайдадан өзінің үлесін алу құқығын куәләндырады.
Ақша – сатып алу сатуда құн өлшемі болып табылатын және тауарларды айрбастай кезінде жалпыға ортақ балама роін атқаратын металл немесе қағаз белгілері, ерекше тауар.
Ақша нарығы – қысқа мерзімді өтімді қаржы құралдары нарығы.
Аннуитет – дүркін-дүркін төленетін ақшалай сома. Сақтық ісінде ол рентаны немесе зейнетақыны сақтандыру жөніндегі төлемдердің шамасын көрсетеді.
