Қазақ филологиясы кафедрасы
жүктеу/скачать 0,54 Mb.
|
ТЖКА силлабус КТА
- Бұл бет үшін навигация:
- Әдеби процесс
- Әдебиеттану
- 1 семинар сабақтың тақырыбы
| 5. Курстың мазмұны
Оқу пәнінің тақырыптары бойынша дәріс тезистері Бірінші апта №1-2 дәрістің тақырыбы: Тәуелсіздік: тарихы мен тағылымы Сағат саны: 2 Әдеби мұра – көркем әдебиеттің, сөз өнерінің өткен дәуірден қазіргі заманға жеткен туындылары. Әдеби мұра – халықтың әр түрлі тарихи кезеңдегі мәдени өресінің, әлеуметтік хал-жайының, тілдік эстетикалық талғамының айғағы. Әдеби процесс – бұл белгілі бір дәуірде, сонымен қатар, ұлттар мен елдердің, аймақтардың, әлемнің күллі тарихи кезеңдерінде өмір сүріп келе жатқан әдебиеттің тарихи-заңды қозғалысы. Әдебиеттану – көркем әдебиетті, көркем әдебиеттің түп-төркінін, мән-маңызы мен даму үрдісін зерттейтін ғылым. Нақтылай айтқанда, әдебиеттану – көркем әдебиетті, оның пайда болуы мен әлеуметтік байланыстарын, сөздік-бейнелік ойлау ерекшеліктерін, көркем шығармашылықтың табиғаты мен қызметін, әдеби үрдістің жалпыға және нақты бір аймаққа тән даму заңдылықтарын қарастыратын ғылым. Дәрістің топтама-тәсімі (тірек конспектісі немесе тезистер) Тәуелсіздік – ұлт мұраты. Тәуелсіздік – халықтың арман-аңсары, ар-ожданы. Тәуелсіздік тарихы -көне кезеңдерден, даму үдерістерінен, халықтың қалыптасу һәм бағыт-бағдарларынан кеңінен көрініс береді. Тәуелсіздік – еркін елдің, жаңарудың, тұтастанудың тұғырлы тірегі болуы. Тәуелсіздік – ақыл-парасаттың, зейін-зерденің, таным-сананың азаттығын айқындауы. Ұлт мұратының көріністері. Қазақстан Республикасы тәуелсіздігінің он жылдығы “Жүз жылға татитын” кезеңге (Н. Назарбаев) айналуы. Тәуелсіздік – ақиқатқа айналған арманның, көп ғасырлық талап-тілектің нақты көрінісі. Елдік мұраттың жеңісі. Тәуелсіздік жылдарындағы руханят ісі, ондағы өзгеріс пен соны да серпінді ілгерілеушіліктер. ЮНЕСКО шеңберінде өткен – Абай, Жамбыл, Қаныш, Сәбит, Ғабит тойлары.Қазақ руханиятының қайнары. “Уақыт тұтқыны” болған Алаш ардақтыларының – Шәкәрім, Ахмет, Міржақып, Мағжан, Жүсіпбек, т.б. есім-еңбектерінің еліне қайта оралуы. XX ғасыр әдебиетінің ұлылы-кішілі аруақтарын еске алу мақсатын көздеген – “Тағзым” атты кештің тағылымы. Қазақстан жазушыларының ХІІ құрылтайының өтуі. Қазақ поэзиясы – Д.Әбілев, Т. Әбдрахманова, М. Әлімбай, Т.Молдағалиев, Қ. Мырза-Әли, О. Сүлейменов, М. Шаханов, Ф.Оңғарсынова, М. Айтхожина, А.Бақтыгереева, Ө. Нұрғалиев, С.Иманасов, И.Сапарбай, С.Тұрғынбеков, Н.Айтов, А.Егеубай, Ж. Ерман, А. Әлім т.б. өлең-жырлармен биік белеске көтерілуі. Көркем проза – Х. Әдібаев, Қ.Жұмаділов, Ұ. Доспанбети, Ә.Нұршайықов, Ә. Нүрпейісов, З. Қабдолов, Ш. Мұртаза, Д. Досжан, М.Мағауин, Қ. Салғарин, С. Сматаев, Д. Исабеков, Б. Мұқай т.б. танымал туындыларымен толығып, көркемдік- рухани жағынан биіктей түсуі. Драматургия жанры – Ә. Кекілбайұлы, Ш. Мұртаза, С. Жүнісов, Ә.Тарази, Қ. Ысқақұлы, Д. Исабеков, Е. Әлімжан, И. Сапарбай, И. Ғайып, Р.Мұқанова т.б. пьесалары арқылы ел-жер, өмір-тұрмыс, тарих толқындарын кең көлемде бейнелеуі. Әдеби сын – З. Серікққалиев, С. Жұмабек, Ж.Дәдебаев,Қ.Ергөбек,Ә. Бөпежанова, Т. Шапай т.б. жинақ, мақалаларында кең орын алып, сол арқылы руханият ісіне, сөз өнерінің даму-қозғалысына үлкен үлес қосуы. Тәуелсіздік тақырыбы ұлт тарихы мен әдебиетінен, руханият ісінен кең орын алуы. Зерттеп-зерделену ісі. Тәуелсіздік тарихы мен тағылымы ұлттың даму бағыт-бағдарларынан, кемел келешекке қөзқарасы мен ұстанымдарынан да танылады. Тарихсыз мемлекет болмайтынын ескерсек, Тәуелсіз Қазақстанның қысқа уақытта әлемдік үдерістерге ұмтылыс жасуы, халықаралық қауымдастықта танылуы – білім-ғылым ісінен, әдеби-мәдени құндылықтардан, қысқасы руханият әлемінен жіті танылады. №1 семинар сабақтың тақырыбы: Тәуелсіздік тағылымы: мұрат пен мүдде Сағат саны: 1 Тапсырмалар: Ұлт әдебиетінің бүгінгі даму бағыттары. Қазіргі қазақ әдебиетіндегі ұлттық мұраттар Ұлт әдебиетіндегі әлеуметтік-қоғамдық сипат жүктеу/скачать 0,54 Mb. Достарыңызбен бөлісу:
|