Ќазаќстан Республикасы Конституциясыныѕ 52-бабыныѕ
жүктеу/скачать 7,99 Mb.
|
- Бұл бет үшін навигация:
- Қазақстан Республмикасы Конституциялық Кеңесі ҚАУЛЫ ЕТЕДІ
| АНЫҚТАДЫ:
Қазақстан Республикасы Конституциялық Кеңесіне 2007 жылғы 7 мамырда Конституцияның 72-бабы 1-тармағының 2) тармақшасына сәйкес Қазақстан Республикасы Парламенті бір топ депутаттарының, Қазақстан Республикасы Парламенті 2007 жылғы 26 сәуірде қабылдаған, «Қазақстан Республикасының мемлекеттік нышандары туралы» Қазақстан Республикасының Конституциялық заңын Қазақстан Республикасының Конституциясына сәйкестігі тұрғысында қарау туралы өтініші келіп түсті. Кеңестің қорытынды шешімі шығарылғанға дейін, өтінішке қол қойған Парламент Мәжілісінің депутаттары З.Ө. Алшымбаев, Б.Б. Баймағамбетова, А.А. Бейсенбаев және Н.С. Сабильянов өздерінің қолдарын жазбаша түрде кері шақырып алып, сол арқылы өтініштен бас тартатындарын білдірді. Конституцияның 72-бабының 1-тармағына сәйкес Республика Парламентінің депутаттары, егер олардың саны депутаттардың жалпы санының бестен бір бөлігінен кем болмаса, Конституциялық Кеңеске өтініш беру субъектісі бола алады. Конституциялық Кеңеке келіп түскен өтінішке 25 Парламент депутаты қол қойған. Парламент депутаттарының бір бөлігі мәлімделген өтініштен бас тартуына байланысты, өтінішке қол қойған депутаттардың саны 21 депутатқа қысқарады, ал бұл депутаттар жалпы санының бестен бірінен кем. «Қазақстан Республикасы Конституциялық Кеңесі туралы» Қазақстан Республикасы Конституциялық заңының 30-бабы 1-тармағының 1) тармақшасына сай өтініш субъектісі өзі мәлімдеген өтініштен бас тартқан жағдайда, конституциялық іс жүргізу кез келген сатыда, бірақ қорытынды шешім шығарылғанға дейін тоқтатылады. Жазылғанның негізінде, «Қазақстан Республикасы Конституциялық Кеңесі туралы» Қазақстан Республикасы Конституциялық заңының 30-бабы 1-тармағының 1) тармақшасын, Конституциялық Кеңес Регламентінің 6-бабын басшылыққа алып, Қазақстан Республмикасы Конституциялық Кеңесі ҚАУЛЫ ЕТЕДІ: 1. Бір топ Парламент депутаттарының, Қазақстан Республикасы Парламенті 2007 жылғы 26 сәуірде қабылданған, «Қазақстан Республикасының мемлекеттік нышандары туралы» Қазақстан Республикасының Конституциялық заңын Республика Конституциясына сәйкестігі тұрғысында қарау туралы өтініші бойынша конституциялық іс жүргізу тоқтатылсын. 2. Қазақстан Республикасы Конституциясының 74-бабының 3-тармағына сәйкес қаулы оны қабылдаған күннен бастап күшіне енеді, шағымдануға жатпайды, Республиканың бүкіл аумағында жалпыға бірдей міндетті және Қазақстан Республикасы Конституциясының 73-бабының 4-тармағында көзделген ретті ескере отырып, түпкілікті болып табылады. жүктеу/скачать 7,99 Mb. Достарыңызбен бөлісу:
|