| Шошқаны сою технологиясы
Шошқаны алғаш өңдеуді сою-бөлу цехында өткізеді. Алғаш өңдеу түсінігіне мынадай операциялар кіреді: есеңгірету, қансырату, терісін түсіру жəне күйдіру (қылшығын) ішкі мүшелерін шығару, ұшаны екі бөліп кесу, еттің сапасын бағалау жəне ұшаны өлшеу (сурет 12).
Шошқаны қансыздандыру мойын мен кеуде бөлігінің қосылған жеріне істік пышақты тығу арқылы жүргізіледі. Бұл жерде пышақтың ұшын жоғары қарай бағыттау керек, пышақты жүрекке тигізбей көк тамыр мен күре тамырдың қосылған жерінен кеседі. Жақсы қансыздандыру үшін тілген жерін пышақты бас жаққа бағыттап 10-15 см-ге дейін кеңейтіп үлкейтеді, қансыздану 6-8 минутқа созылады. Содан кейін ұшаны қаннан жəне ластан тазарту үшін оны 25- 30°С-тағы жылы сумен жуады. Шошқаны қансыздандыру кезінде пышақты жаурын астына жəне жүрекке бағыттап сұғуға болмайды, өйткені бұл жағдайда кеуде бөлігі қанға толып, сол жақ алдыңғы сан еттерінің тіндеріне сіңіп, оның сапасы төмендейді. Сонымен қатар етті ет өнімдерін өңдеуге жарамсыз етеді, ұша толық қансызданбайды, жанама өнімдерінің сапасы нашарлайды.
Достарыңызбен бөлісу: |
