Қазақстан Республикасының Оқу-ағарту министрлігі
Арнайы білім беруді ұйымдастырудың ерекшеліктері
жүктеу/скачать 4,96 Mb. Pdf көрінісі
|
KAZ ИМП 2024
- Бұл бет үшін навигация:
- ОҚУ ЖОСПАРЫ МЕН БАҒДАРЛАМАЛАРДЫ ІСКЕ АСЫРУ ЕРЕКШЕЛІКТЕРІ
- ОҚЫТУДЫ ҰЙЫМДАСТЫРУДЫҢ ЕРЕКШЕЛІКТЕРІ
| Арнайы білім беруді ұйымдастырудың ерекшеліктері
АРНАЙЫ МЕКТЕПТЕРДЕ/СЫНЫПТАРДА БАЛАЛАРДЫ ОҚЫТУ ЖӘНЕ ТӘРБИЕЛЕУ «Қазақстан Республикасының бастауыш, негізгі орта, жалпы орта білім берудің үлгілік оқу жоспарларын бекіту туралы» Қазақстан Республикасы Білім және ғылым министрінің 2012 жылғы 8 қарашадағы № 500 бұйрығына (08.02.2024 № 27 өзгертулер мен толықты- рулармен), «Жалпы білім беру ұйымдарына арналған жалпы білім беретін пәндердің, таңдау курстарының және факультативтердің үлгілік оқу бағдарламаларын бекіту тура- лы» Қазақстан Республикасының Білім және ғылым министрінің 2013 жылғы 3 сәуірдегі № 115 (27.07-ге өзгерістер мен толықтырулармен. 2017 жылғы № 352, 20.09.2018 жылғы № 469, 05.02.2020 жылғы № 51, 01.04 2022 жылғы № 123) бұйрығына сәйкес жүзеге асырыла- ды. ОҚУ ЖОСПАРЫ МЕН БАҒДАРЛАМАЛАРДЫ ІСКЕ АСЫРУ ЕРЕКШЕЛІКТЕРІ Оқыту білім алушылардың психофизикалық ерекшеліктері мен танымдық мүмкіндік- терін ескере отырып, негізгі орта білім берудің оқу бағдарламары негізінде әзірленген арнайы оқу бағдарламаларын (бағдарламалар Арнайы және инклюзивті білім беруді да- мытудың Ұлттық ғылыми-практикалық орталықтың special-edu.kz сайтында орналасқан), сонымен қатар жалпы орта білім берудің оқу бағдарламаларын пайдалана отырып жү- зеге асырылады. Оқу процесінде арнайы оқу-әдістемелік кешендер, сондай-ақ жалпы білім беретін мек- тептерге арналған оқу-әдістемелік кешендер пайдаланылады. ОҚЫТУДЫ ҰЙЫМДАСТЫРУДЫҢ ЕРЕКШЕЛІКТЕРІ Үлгілік оқу жоспарының түзету компоненті бойынша сабақтарды «Дефектология» («Ар- найы педагогика») мамандығы бойынша және/немесе арнайы мектеп/сынып түріне сәйкес Білім беру бағдарламасы бойынша жоғары педагогикалық білімі бар педагогтер жүргізеді. Түзету компонентінің пәндерін оқу жоспарының инвариантты компонентінің пән- дерімен ауыстыруға, сондай-ақ бөлінген сағаттар санын қысқартуға жол берілмейді. Зияты зақымдалған балаларға арналған арнайы мектептерде/сыныптардағы білім беру қызметін олигофренопедагог жүзеге асырады. Қажетті жағдайларды жасау кезінде (ұйқы және демалыс) бастауыш білім беру деңгей- індегі арнайы мектептердің/сыныптардың жұмысы бұзылыстарды жеңу және орнын то- лықтыру, қажетті қорғаныс (сөйлеу, қозғалыс) педагогикалық режимін қамтамасыз ету үшін ұзартылған күн режимінде, әлеуметтік дағдыларды дамыту бойынша ұйымдасты- рылады. Оқу күн тәртібі білім алушылардың шаршау мүмкіндіктерін ескере отырып белгіленеді: үзіліске демалу үшін жеткілікті уақыт бөлінумен және бірінші ауысымда оқыту жүзеге асырылады. |