Жүгері сабақтарын сүрлеу (корнаж). Жүгері собықтарының не дәндері мен өзектерінің ұсақтап туралған қоспасы, не дәндері мен өзектерінің орама қабықтарымен қоса туралған қоспасы сүрлемеге салынады.
Бұл технологияның негізгі мәні жүгеріні дәні балауызданып піскен кезінде ылғалдылығы 35-45 %-ға дейінгі аралықта жинайтындығында. Жапырақты – сабақты балаусаны сүрлеу ісі қабылданған жалпы технология бойынша жүргізіледі.
Ал собықтарды ұзынша орға жақын әкеліп, ұсақтап турайды, сонан соң ішіне салып таптан нығыздайды. Азықты осылайша орға салып болғанна кейін, оны пленканың ұзыны бойына бір шеті екінші шетімен 2 м айқасатындай етіп, жауып, айқасқан жерінің үстіне тағы пленка төсейді.
Балаусаны ұзынша орға салып оны пленкамен жапқанға дейінгі уақыт 40 сағаттан аспауы тиіс.
Дайындалған азықты сүрлемге салған соң, 45 күннен кейін ғана малға беруге болады.
