9.1-ҚОСЫМША. ҮЙ ТАПСЫРМАСЫ Англия мен Уэльстің үкімет нұсқаулары 1998 жылы енгізіліп, онда 5 пен 7 жас
арасындағы балалар үй тапсырмасына күнінен 20 минут қана жұмсау керек
деп айтылған (DfEE, 1998; Estyn, 2004). Мұғалімдермен және ата-аналармен
кері байланыс мұның көптеген бала үшін тиімсіз екенін, өйткені олар мектеп-
тен кейін үйге келгенде ойларын шоғырландыра алмай қатты шаршайтынын
көрсеткен. Коалиция үкіметі 2012 жылы осы нұсқаулықтардан дер кезінде дұ-
рыс бас тартты. Шотландия мектептерінде P7 (11 жас) жаста үй тапсырмасы
күніне 30 минуттан аспауы керек (Medwell and Simpson, 2008). Шотландия үкі-
меті ата-аналарды үй тапсырмасын «мектептен тыс оқу» ретінде қарастыруға
шақырады. Зерттеулер үй тапсырмасының мәні оны қалыпты көлемде орын-
даған кезде артатынын көрсеткен. Үй тапсырмасының көбі оқу, математи-
калық ойындар, әріптеп жазу/айту, көбейту кестелері мен сыныпта берілген
тақырыптар бойынша жұмыс істеу түрінде болады.
