2.1-ҚОСЫМША. НЕГЕ МҰҒАЛІМ БОЛУДЫ ҚАЛАЙСЫЗ? КУРС ҮМІТКЕРЛЕРІНІҢ ОЙЛАРЫ «Бала кезімнен бастауыш мектеп мұғалімі болғым келді. Балалардың өмірін
өзгерткім келеді».
Сара «Көп жылдар бойы оқытуды қолдау бойынша көмекші болып жұмыс істедім.
Өзімді сабақ беруге дайын болдым деп ойламадым, бірақ мектеп директоры
осы жолды таңдап, өтініш беруіме жол сілтеді. Содан бері еш күмәнім болған
емес. Сыныптағы жағдайды түсінуіме теориялық білімім көмектесуде».
Джессика «Анам мұғалім болғандықтан, мен де осы жолды таңдадым. Шынымды айт-
сам, бұл мен әуестенген нәрсе емес, отбасымның қалауы болатын. Бірақ бала
оқыта бастағанда, олардың білімге деген қызығушылығын оятудан жаным
ләззат алатынын байқадым».
Джон «Балалардың өмірлік дағдыларын дамытуға көмектесуден пайдалы ештеңе
жоқ».
Эмма «Менің ойымша, біліктілікке қол жеткізгеннен кейін, мүмкіндіктер көбейе тү-
седі. Мәселен, білім алу қолжетімді бола бермейтін елдерге барып оқытуға
жол ашылады».
Миа Мұғалімнің өмірінде зерттеу есептері, саясат немесе мектеп мис
-
сиясын айту емес, өз естеліктері мен тәжірибелері көбірек із қалды
-
рады (Brookfield, 1995). Зерттеулер көрсеткендей, оқытушылар тіпті
университетте бір оқу бағдарламасы бойынша білім алса да, олардың
ұстаздық қызметінде, атап айтқанда, олар өзін қандай мұғалім ретін
-
де қабылдайтыны мен қалай сабақ беретінінде бәрібір айтарлықтай
айырмашылықтар болады (Flores and Day, 2006). Мұғалім көзқарасы
-
ның қалыптасуына оның тікелей жұмыс істейтін ортасы, жалпы қоғам,
БАҚ, отбасы мен достары да әсер етеді.
