Бағдарламасы бойынша мектепке дейінгі ересек жастағы топ педагогтеріне арналған
жүктеу/скачать 294,87 Kb.
|
қоршаған орта 2020-2021
- Бұл бет үшін навигация:
- Негізгі кезең.
ҰОҚ барысы:Ұйымдастыру кезеңі. Педагог балалармен бірге шеңбер бойына тұрады. «Не бұрын?» ойыны. Педагог балаларға доп лақтырады. Допты қағып алған бала сұраққа тез жауап беруі керек. Не бұрын? Балалардың жауабы: балапан жұмыртқа жылқы құлын сиыр. бұзау нан ұн көйлек мата велосипед темір жапырақ бүршік балық уылдырық Негізгі кезең.Балалар, мен қазір сендерге жұмбақтар жасырамын. Сендер жауабын тауып, барлық жауаптардың ортақ атауын табыңдар. Жұмбақ шешу. Балалар педагогтің жасырған жұмбақтарының жауабын ойлана отырып табады. Таба алмаса, педагог қосымша түсініктеме береді. Ауырған адамның қасында Емделудің жөнін айтар. Жазылған адамдар расында Риза болып, рақмет айтар. (Дәрігер) Тәп-тәтті тамағы Астың маманы. (Аспаз) Қолдағы жұмыс жарағы: Қайшы менен тарағы. (Шаштараз) Ертемен ерте тұрады Қолына рульді алады. Олай-былай айналдырар, Жолға қарап отырар. (Жүргізуші) Полилингвалды компонент: дәрігер – врач – doctor, мұғалім – учитель – teacher, суретші – художник – painter. Демонстрациялық материалмен жұмыс. Қандай мамандық иелері бейнеленген? Суретші, дәрігер, мұғалім, шахтер бейнеленген. Балалар мамандық иелерін атайды. Балалардың бұл сөздерге «мамандық» деген ортақ атау беруге болатынын айта алуға жетелеу керек. Қалай ойлайсыңдар, кім қайда жұмыс істейді? Суретші шеберханада сурет салады. Дәрігер ауруханада адамдарды емдейді. Мұғалім мектепте балаларға білім береді. Шахтер шахтада көмір өндіреді. Ал сендердің ата-аналарың қайда жұмыс істейді? Балалар ата-аналарының қайда жұмыс істейтінін, қандай мамандық иелері екенін айтады. Балалар, мен тағы бір мамандық иесін атағым келіп тұр. Ол мұғалім де болады, пойызды да жүргізеді, ұшқыш та бола алады, кішкентай баланы да ойната алады, бірақ үнемі экранда жүреді. Оның кім екенін білесіңдер ме? Ол – актер. Енді барлықтарың актер боласыңдар. Кім мамандық иелерін қимылмен, ыммен көрсетеді? Балалар оларды қимылмен бейнелейді. Мысалы, суретші суретті қалай салатынын қимылмен көрсетеді. жүктеу/скачать 294,87 Kb. Достарыңызбен бөлісу:
|