-ші міндет бойынша қол жеткізу жолдары (2012-2015 жылдар

Ормандарды және жануарлар әлемін қорғау бойынша мемлекеттік мекемелерде өртке қарсы қызмет көрсететін бөлімшелерді ашу.

Мемлекеттік мекемелерде өртке қарсы қызметтің жолға шығатын өрт техникасымен жабдықтау.

50 шақырымға алыста орналасқан елді мекендерде өз еркімен өртке қарсы жасақталуды (ӨӨЖ) құру, тұрмыстық және орманды дала өрттерін жою мақсатында жеке құрамды, суды тасымалдау техникасын (су шашатын машина, әмбебап өрт тіркемелері және т.б.) жеткізу үшін автомобиль жолдарының өткіштігін, сондай-ақ арнайы жабдықтармен және жасақтармен қамту, апатты-құтқару жұмыстарын жүргізу.

Халық саны 5 мың адамды және одан астамын құрайтын алыстағы елді мекендерде кезең-кезеңмен өрт посттарын құру, оның ішінде шығарылатын өрт техникасын және жабдықтарын, арнайы әскери киімдер сатып алу.

16 су тасу қауіпі бар өзендерде гидропостар құрылысы.

Гидротехникалық қорғайтын ғиммараттардың тұрақтылығын асыру, өзендер, су айдындар, тоғандардың су тасу қауіпі бар телімдерінде тасқын суға қарсы, жағалауды қатайту және түбін тереңдету жұмыстарын жүргізу.

БАҒЫТ 4.3. «Инфрақұрылымдық кешенді жетілдіру және сапалы тұрғын үй-коммуналдық және тасымалдау (транспорттық) қызметімен қамтамасыз ету»
Мақсат 4.3.1.: Инфокоммуникацияны дамыту

Мақсатты индикаторлар, көрсеткіштер	өлшем бірлік	1 кезең			2 кезең
		2011 (нақты)	2012 (нақты)	2013	2014	2015
Міндет 4.3.1.1. Байланыс қызметін жетілдіру
2015 жылға қарай жергілікті телефон байланысын цифрлеудің 100 пайыздық деңгейіне қол жеткізу	%	87,1	97,0	97,6	98,7	100,0
Жауапты орындаушылар «Казақтелеком» АҚ, «Жамбылтранстелеком» АҚ

Қол жету жолдары (2014-2015 жж.): «Қазақтелеком» АҚ және «Жамбылтранстелеком» АҚ стратегиясы белгіленген бизнесте көшбасшы орнын сақтауға және шоғырланған операторды кезеңімен құру арқасында оңтайлы бизнесті дамытуға бағытталған. Облыс халқын байланыс қызметімен кең ауқымды қамтылуы компанияның басты мақсаты, «Қазақтелеком» АҚ белгіленген телефониясына үй шаруашылығының 70%-дан астамы қосылған; байланыс инфрақұрылымындағы желілердің және қазіргі заманғы 4-ші буынды (LTE) мобильдік байланысқа лицензияның бар болуы; дамыған сауда желілерінің және абонентерге қызмет көрсету орындарының болуы; тұтынушылар сенетін танымалы бренд.
Мақсат 4.3.2.: Құрылысты дамыту

Мақсатты индикаторлар, көрсеткіштер	өлшем бірлік	1 кезең			2 кезең
		2011 (нақты)	2012 (нақты)	2013	2014	2015
1.Құрылыс жұмыстарының нақты көлем индексі	%	120,3	167,1	107,0	101,0	101,0
2. Тұрғын ғимараттарды пайдалануға беру көлемі, жалпы алаңның шаршы метрінде	мың ш.м.	229,1	226,0	256,7	256,9	279,2
Міндет 4.3.2.1. Халықтың кең бөлігінің тұрғын үйге қолжетімділігін қамтамасыз ететін тұрғын үй құрылысы мәселелерін кешенді шешу
2.1.Инженерлік-коммуникациялық инфрақұрылымның құрылысы және (немесе) сатып алу	млн. теңге	998,9	1995,8	1729,3	1633,9	6000
Міндет 4.3.2.2. Азаматтық қолданыстағы нысандарды сейсмотұрақтылыққа зерттеу
3.1. Өндірістік, тұрғын үй, әлеуметтік мәдени, энергоқамтамасыз етуші, білім және денсаулық сақтау нысандарына алдын ала тексерулер жүргізу және облыстағы елді мекендердің шағындандырылған сейсмикалық картасын дайындау	млн. теңге	х	х	х	242	243
Жауапты орындаушылар: Жамбыл облысы әкімдігінің құрылыс, жолаушылыр көлігі және автомобиль жолдары басқармасы, аудан және Тараз қаласы әкімдері

Қол жету жолдары (2014-2015 ж.ж.): 2014-2015 жылдары тұрғын үй құрылысын жинақтау жүйесі арқылы 42,9 мың шаршы метрден кем емес, республикалық қаражат есебінен 17,8 мың шаршы метр жалға берілетін тұрғын үй пайдалануға беріледі. Жеке тұрғын үй құрылысын ынталандыру үшін тұрғын үй құрылысы аумақтарында инженерлік-коммуникациялық инфрақұрылым құрылысы, абаттандыруы және қайта жаңғыртуы қарастырылған.

Шаралар: Жалға берілетін және ипотекалық тұрғын үйді жобалауға және салуға, инженерлік-коммуникациялық инфрақұрылымды дамытуға және жайғастыруға арналған нысаналы трансферттер мен бюджеттік несиелерді игеруді қамтамасыз ету. Жеке тұрғын үй құрылысы үшін жағдайларды жақсарту. Жаңа жалпы құрылыс аумақтарды коммуналдық инфрақұрыммен алдын ала қамтамасыз ету.
Мақсат 4.3.3.: Автомобиль жолдарын және жолаушылар көлігін дамыту

Мақсатты индикаторлар, көрсеткіштер	өлшем бірлік	1 кезең				2 кезең
		2011 (нақты)	2012 (нақты)	2013 (нақты)		2014	2015
Жақсы және қанағаттанарлық жағдайдағы жергілікті маңызы бар автомобиль жолдарының үлесі	%	60,0	63,9	66,8		70,0	74,0
Міндет 4.3.3.1. Көлікті дамыту
Жолаушылар автокөлігі қатынасымен қамтылмаған елді мекендер үлесі	%	12,0	11,5	10,5	10,3		10,0
Жауапты орындаушылар: Жамбыл облысы әкімдігінің құрылыс, жолаушылыр көлігі және автомобиль жолдары басқармасы

Қол жету жолдары (2014-2015 жж.): Қозғалыс қарқынының әсіресе ондағы жоғары салмақты автомобильдер, автопоездер және автобустар үлесінің өсімі жол жабынының тез тозуына және облыс жолдарын жөндеу-қалпына келтіру жұмыстарын жүргізуге қажеттіліктің өсіміне әкеледі. Қолданыстағы жолдардың жұмыс істеуін қамтамасыз ету үшін бұл қажеттілік болашақта үнемі ұлғайып отыратын болады. Облыстық маңызы бар жолдар күрделі, орта және ағымдағы жөндеу түрлерімен қамтылған.

«Батыс-Еуропа-Батыс Қытай» автобанын салу үшін құрылыс материалдарын жеткізу барысында облыс жолдарының кейбір бөліктері бұзылған және де «бетон» жолының мердігерімен осы бөліктерді жөндеу туралы меморандумдар жасалынған.

«Батыс-Еуропа-Батыс Қытай» жаңа республикалық жолында жол бойы сервисін (кемпингті, эстакада, ТҚС, ЖЖМС және т.б.) желілерді дамыту мақсатында 2015 жылға дейін инвесторлар есебінен В, С санаттағы жол бойы 8 сервис нысандары салынады. Облыстың басқа жолдарында ірі мұнай компанияларымен және жеке тұлғалармен салынған және солар ұстайтын жол бойы сервисі (СТО, ЖЖМС, қонақ үйлер, дүкендер) жұмыс істейді. Бұл нысандар құрылыстың нормалары мен ережелеріне қатаң түрде сәйкес орналасқан.

Жолаушылар көлігі паркін жаңарту мақсатында тасымалдаушылар есебінен 465 бірлік жаңа техника – сыйымдылығы орташа және жоғары автобустар алу жоспарланып отыр. Оның ішінде 2011 жылы 80, 2012 жылы - 178, 2013 жылдың басынан бері 52 жаңа автобус сатып алынып, іске қосылды.

Тиісті бақылау жүргізу мақсатында 2015 жылға дейін автобус маршруттарын диспечерлік алып жүрудің бірыңғай жүйесін құру және автобустарды GPS/ГЛОНАСС новигациялық жүйесімен жабдықтау жоспарлануда.

Облыс жол жабыны қатты және облыстық маңызы бар автомобиль жолдарының жоғыры тығыздығымен сипатталады.

Инженерлік желілердің техникалық жағдайын бағалау және энергия көздеріне аудит жүргізу.

2011-2015 жылдары 168 АЕМ су құбырлар желісін жаңғыртуға және салуға қаржы бөліну қарастырылған.

2014 жылға жоспар бойынша 10 сумен қамтуға және су бұру жобасына республикалық бюджеттен (90%) және жергілікті бюджеттен қосымша қаражат (10%) есебінен 4 379,351 млн. теңге бөлінді, оның ішінде 2013 жылы басталған 7 жоба 2014 жылға ауыспалы (4046,1998 млн.теңге) және 3 жоба (333,333 млн. теңге) 2014 жылы басталады.

Жылу беру саласында жетілдірілген және тиімділігі жоғары жабдықтарды ендіру арқылы жоғары технико-экономикалық көрсеткіштерге қол жеткізу үшін жыл сайын жаңа жобалар әзірленіп, енгізілуде. «Таразэнергоцентр» АҚ-ның негізгі қорларын жаңарту үшін «Таразэнергоцентр» АҚ-ның МЖӘ бағдарламасы аясында Тараз қаласында энерго жүйеге электр қуатты беру схемасының «Жылу электро орталығын жаңғырту және кеңейту» бойынша ТЭН әзірленді. Болашақта электр қуаты 125 мВТ және ТЭЦ – 4 алаңында жылу қуаты 107 Гкал/сағ когенерациондық газдық поршенді электрстансасын салу жоспарлануда.

Бұдан басқа, тұтынушыларды сапалы коммуналдық қызметпен және сенімді өмір сүруді қамтамасыз ету жүйелері қызметінің тиімділігін қамту мақсатында жылу көздерін және жылу беру жүйелерін жаңғырту бойынша 5 жоба іске асырылуда, 2014 жылы іске асыруға 2 жоба әзірленуде.

Коммуналдық қызмет көрсетуде пайдалану шығындарын азайтуға мүмкіндік беретін жаңа технологиялар мен жабдықтарды пайдалануды қарастыратын электроэнергетика, жылу, газ беру нысандарын салу және жаңғыртуға бағытталған шаралар жүргізіледі. Электр энергиясын үнемдеу бойынша жыл сайын шаралар өткізу.

Нормативтен тыс шығындарды азайтуға мүмкіндік беретін энергия үнемдейтін технологиялар пайдалану арқылы энергия көздерін және жылу желілерін жоспарлы түрде жаңғырту жүргізілуде.

Республикалық және жергілікті бюджеттен қаржыландырылатын сумен қамтамасыз ету және су бұғу нысандарын салу бойынша инвестициялық жобаларды іске асыруға жүйелі түрде мониторинг жүргізілуде.

Тиісті сапада коммуналдық қызметпен халықты қамтамасыз ету тиімділігін бағалау үшін қажетті ақпаратты жинау және талдау жүргізілуде.

Көп петерлі үйлер кондоминимум нысандарын тіркеу және олардың техникалық жағдайын бағалау бойынша мониторинг жүргізілуде.

Кондоминимумды басқару органдарының қызметкерлері үшін біліктілікті арттыру курстарын, семинарлар ұйымдастыру.

Халық және ұйымдар арасында энергияны үнемдеуді насихаттау.

Инвестициялық тарифтер және мемлекеттік жеке меншік әріптестік құруды ынталандыру.
БАҒЫТ 4.4. «Елді мекендердің (агроқалашықтардың) дамуына жағдай жасау»
Мақсат 4.4.1.: Жоғары және орта даму әлеуеті бар ауылдық елді мекендерді дамыту

Мақсатты индикаторлар, көрсеткіштер	өлшем бірлік	1 кезең				2 кезең
		2011 (нақты)		2012 (нақты)	2013	2014	2015
1. Жоғары әлеуеті бар ауылдық елді мекендерді дамытудың санын арттыру	бірлік	55		55	90	90	90
Міндет 4.4.1.1. Ауылдарда білім беру және денсаулық сақтау қызметінің сапасын жақсарту
1.1. Ауылға білім беру саласындағы мамандарды тарту	бірлік	121	114		162	120	120
1.2. Ауылға денсаулық сақтау саласындағы мамандарды тарту	бірлік	61	114		74	78	80
Міндет 4.4.1.2. Ауылдық елді мекендерде өндірістік саланы дамыту
2.1. Жоғары әлеуеті бар ауылдық елді мекендерде өндірістік саланы дамыту	бірлік	2	1		1	3	1
Жауапты орындаушылар: Жамбыл облысы әкімдігінің білім басқармасы, денсаулық сақтау басқармасы, кәсіпкерлік және индустриалды-инновациялық дамыту басқармасы

1-ші міндет бойынша қол жеткізу жолдары (2014-2015 жылдар): Білім беру және денсаулық сақтау салаларының мамандарын ауылға тарту ауылдарда білім беру және денсаулық сақтау қызметінің сапасын арттырудың бірден-бір жолы.

Білім беру және денсаулық сақтау саласының мамандарын ауылға тарту, қолданыстағы әлеуметтік инфрақұрылым нысандарын күрделі және ағымдағы жөндеумен қамтамасыз ету «Аумақтарды дамыту» және «Жұмыспен қамту – 2020 жол картасы» бағдарламалары шеңберінде жүзеге асырылады. Ауылдық дәрігерлердің біліктілігін арттыру, алғашқы медициналық-санитарлық көмек мекемелерінің материалдық-техникалық негізін күшейту, денсаулық сақтау және білім беру нысандарын салу, ауылдық мектептерді бітірушілерге медициналық ЖОО оқу үшін гранттар беру, ауылдық жерге жұмыс істеуге келген жас мамандарға көтерме ақы төлеу қамтамасыз етіледі.

Облыста ауылдық, оның ішінде тіректі елді мекендердің, аудан орталықтарының, ауылдық округ орталықтарының және шекаралық аймақтың халықтарының өмір сүру жағдайын және еңбек етуін жақсартуға бағытталған іс-шараларды іске асыру бойынша жұмыстар қамтамасыз етіледі. Әлеуметтік және инженерлік инфрақұрылымдарда шағын орталықтардың ашылуы, білім беру, денсаулық сақтау, сумен қамту нысандарының құрылысы және оларды жаңғырту, сондай-ақ әкімшілік мемлекеттік және қаржылық қызмет көрсету жұмыстары жалғасады.

2014 жылы индустриаландыру Картасының аясында «БиномСтройДеталь» ЖШС-і Жамбыл ауданының Бектөбе елі мекенінде құрылыс материалдары комбинатының базасындағы үй салу комбинатының құрылысын жоспарлауда, құны – 500,0 млн. теңге, қуаттылығы – жылына 19500 м³, 100 жаңа жұмыс орындары құрылатын болады. «Оңтүстік Халал Тағамдары» ЖШС-і – Халал стандартына сай жоғары технологиялы ет өнімдері өндірісін құру, құны – 2560 млн. теңге, жылдық қуаттылығы – 1757 тонна ет өнімдері, 153 жаңа жұмыс орындары құрылатын болады. «Central Asia Gold Production» ЖШС-нің Қордай ауданының Жамбыл ауылындағы бағалы металл қорытпаларын өндіру бойынша зауыты, құны – 2100,0 млн. теңге, жылдық қуаттылығы – 500 кг, 150 жаңа жұмыс орындары құрылатын болады. Аталған жұмыс келесі жылдарда да жалғасатын болады.

Агроөнеркәсіп кешенінде жаңа заманауи кешендерді және фермаларды пайдалануға енгізу, жемдік базаны және асыл тұқымды малды жақсарту, өндірістің тиімді инновациялық технологиясын енгізу және саланы индустриалдық даму жолына ауыстыру қарастырылуда. Сүтті және етті өңдіру бойынша қосымша стационарлық пунктерді ашу, өнім ассортиментін кеңейту жоспарлануда.

Облыстың ірі кәсіпорындарымен өз қаражаттары есебінен қоршаған ортаның ластану деңгейін төмендету бойынша табиғатты қорғау іс-шаралары жоспарланған.

«Казфосфат» ЖШС, «Т.И.Батуров атындағы Жамбыл ГРЭС- і» АҚ облыстың аса ірі кәсіпорындары болып табылады.

«Қазфосфат» ЖШС – тазалау жобалық режимде УГ -115, 230 электр-фильтрлерінің жұмысын қалпына келтіруді және «№6 пештегі пештік газды қайта пайдаға асыру» жобасы құрылысын аяқтауды көздеп отыр.

Облыстағы автокөлік кәсіпорындары 2011 жылдан бастап автокөлік парктерін жаңартып Евро-3 стандарттарына сәйкес жаңа автобустар сатып алуда.

2014 жылы Жамбыл ауданы Қызыл таң ауылында, Меркі ауданында Қызылтаң ауылында жергілікті бюджет есебінен тазарту кешенінің құрылысы жоспарланған. Сондай-ақ Жамбыл ауданы Қызылқайнар ауылында, Жуалы ауданы Б. Момышұлы ауылында, Т.Рысқұлов ауданы Құлан ауылында және Мойынқұм ауданында қатты тұрмыстық полигондар құрылысы жоспарлануда.

Тараз қаласында қалдықтарды өңдейтін зауыттың құрылысы жоспарланған, облыс аумағында жеке кәсіпкерлермен қалдықтарды қайта өңдеу жұмыстары жүргізілуде (шыны, пластик, қағаз).

ҚТҚ-ды кәдеге асыру және қайта өңдеу мақсатында, Тараз қаласында 2014-2015 жылдары ҚТҚ-ды қайта өңдеу негізінде жұмыс істейтін, ҚТҚ-ды жинау және қайта өңдеу орталығы, сондай-ақ биогаз электростанциясын салу инвестициялық жобасы жоспарлануда. Жобаны жүргізуге құрылтайшысы Нидерландиялық «Energy Emissions BV» компаниясы болып табылатын, «Recowaste» ЖШС-гі ынта білдіруде. Жоба бойынша Тараз қаласында қуаттылығы 50000-100000 тоннаға дейін, құны 32 млн. АҚШ доллар болатын ҚТҚ-ды жинау және қайта өңдеу орталығын салу және қуаттылығы 5 МВт дейін жететін, құны 23 млн. АҚШ доллар болатын биогаз электростанциясын салу қарастырылған. Жобаны іске асыру үшін Тараз қаласынан жер телімін бөлу қажет.

Орман шаруашылығы мекемелерінің техникамен қамтамасыз ету нормаларына қатысты Қазақстан Республикасы Үкіметінің 2004 жылғы 19 қантардағы №53 Қаулысын орындау барысында орман шаруашылығы мекемелерінің материалдық-техникалық қамтылуы 2009 жылғы 30 пайыз, 2012 жылы 48 пайызға, 2013 жылы 56 пайызға және 2014 жылы 65 пайызға дейін жеткізу көзделуде.

Табиғи өрттермен күресу, ғарыштық мониторинг мәліметтерін дер кезінде пайдалану және орман қорын әуеден күзету бойынша іс-шараларды іске асыру нәтижесінде орман өртінің орташа алаңын қысқарту жоспарлануда.

Биыл алғаш рет, Қазақстан Республикасы Үкіметінің 2007 жылғы 8 қыркүйектегі №781 қаулысын орындау мақсатында биыл 14 орман шаруашылығы мемлекеттік мекемелері жанынан алғаш рет мемлекеттік емес өртке қарсы қызметі ұйымдастырылды. Өртке қарсы қызмет мекемесі Қазақстан Республикасы Үкіметінің 2008 жылғы 15 қазандағы «Мемлекеттік емес өртке қарсы қызметтерді жүзеге асыру Ережесін бекіту туралы» №949 Қаулысының талабы негізінде жүзеге асырылуда.

Орман шаруашылығы мекемелері жанынан құрылған мемлекеттік емес өртке қарсы қызмет құрамында әр орман шаруашылығы мекемесінде 9 адамнан, барлығы 126 бірлік штат бекітілді. 2013 жылы Үкімет қаулысын жүзеге асыру негізінде алдыңғы жылдары орман шаруашылығы мекемелеріне «Өрт сөндіру және авариялық құтқару жұмыстары қызметі» ММ-н 8 өрт автомашиналар алынды. Сонымен қатар орман шаруашылығы мекемелерінің материалдық-техникалық базасын жақсарту мақсатында 2014 жылы техникалар алуға қаралған қаржы есебінен 6 өрт сөндіру автомашиналарын сатып алуға 44,0 млн теңге қаржы қарастырылды.

2014 жылға ауыл шаруашылығы мақсатындағы жерлерге түгендеу жұмыстары жалпы алаңы 1,3 млн. га Тараз қаласы және Шу, Қордай аудандарында жүргізу жоспарлануда.

Қызметтердің сапасына тұтынушылардың қанағаттану деңгейін арттыру мақсатында қызметтерді кезең-кезеңімен электрондық форматқа көшіру жұмыстары жүргізілуде (жергілікті атқарушы органдар көрсететін әлеуметтік – маңызы бар 12 қызметтің ішінде 1 қызмет 2011 жылы электрондық түрге көшірілген, 6 қызметті 2012 жылы және 5 қызмет түрі 2013 жылы көшірілген). Ол үшін мемлекеттік қызмет көрсетуге қатысатын жергілікті атқарушы органдар тарапынан жергілікті бюджет есебінен, атап айтқанда байланыс арналарымен қамтамасыз ету үшін, автоматандырылған жұмыс орындары (АЖО) (типтік АЖО АЖ ЭҮАШ, «Е-әкімдік» деректер қоры) бағдарламаларын ықпалдастыру және мәліметтерді шұғыл беру мақсатында компьютерлендіруге қаржылар бөлінуде.

Мемлекеттік қызметті автаматтандыру және оңтайландыру Қазақстан Республикасы Үкіметінің 2013 жылғы 23 қыркүйектегі «Оңтайландыруға және автоматтандыруға жататын мемлекеттік көрсетілетін қызметтер тізбесін және оларды электрондық нысанға ауыстыру мерзімдерін бекіту және Қазақстан Республикасы Үкiметiнiң кейбiр шешiмдерiнің күшi жойылды деп тану туралы» Қаулысына сәйкес жүргізілуде.

Бүгінгі күні аталған іс-шараларды іске асыру үшін барлық бағдарламалар әкімшілері «Жаңа ақпараттық технологиялар» АҚ –мен келісім -шарттар жасап, қаржылар бөлуде.

2013-2016 жылдардағы халықтың мемлекеттік қызмет көрсету сапасына қанағаттану деңгейін бағалау үшін Жамбыл облысы әкімдігінің ішкі саясат басқармасы мен «Қоғамдық көрқарас» зерттеу институты арасында ү.ж. III тоқсанында кешенді әлеуметтік зерттеу жүргізуге арналған келісім-шарт жасалды, бұл мемлекеттік қызмет көрсету сапасына анықтауға бағытталған.

Сондай-ақ, қала әкімі, аудандар мен ауылдық округ әкімдері аппараттарының қызмет көрсететін құрылымдық бөлімдерінің қатысуымен келесі іс-шаралар көзделуде:

- сауалнама жүргізу арқылы мемлекеттік қызмет көрсету сапасына қанағаттану бойынша жұмыстар жүргізу;

- сауалнама жүргізу арқылы (карточка) мемлекеттік қызмет көрсету сапасына қанағаттану бойынша жұмыстар жүргізуді жалғастыру;

- бұқаралық ақпарат құралдарына жариялау, семинар, дөңгелек үстел өткізу;

- әкімдіктіктің ресми интернет-ресурсында мемлекеттік қызмет көрсету бойынша нормативтік құқықтық актілерді өзектендіру;

- электронды форматтағы қызм

еттердің санын ұлғайту.

Мұрағат

Қол жеткізу жолдары: (2012-2015 ж.ж.): Өңірдің Ұлттық мұрағат қорының ресурстарына қол жетімділікті жақсарту мақсатында мұрағат мекемелерін жұмысқа қажетті жабдықпен жарақтандыру жақсартылады, Жамбыл облысының мемлекеттік мұрағаттарын Ұлттық мұрағат қорының құжаттарымен толықтыру қамтамасыз етіледі.


5. ҚАЖЕТТІ РЕСУРСТАР

млн.теңге

мониторинг;

бағалау;

бақылау.

Аумақтарды дамыту бағдарламасына жыл қорытындысы бойынша мониторинг жүргізу үшін:

-құжатты іске асыруға қатысатын бірлесіп орындаушы мемлекеттік орган өз құзыреті шегінде есепті жылдан кейінгі жылдың 1 ақпанына дейін облыстың мемлекеттік жоспарлау жөніндегі уәкілетті органына бірінші басшының қолы қойылған іске асыру туралы ақпаратты ұсынады;

-облыстың мемлекеттік жоспарлау жөніндегі уәкілетті органы бірлесіп орындаушы органдар ұсынған ақпарат негізінде есепті жылдан кейінгі жылдың 15 ақпанына дейін аумақты дамыту бағдарламасын іске асыру туралы есепті қалыптастырады және оны бірінші басшының қолы қойылған веб-порталға орналастырады.

Мониторинг « Бағдарламаның негізгі бағыттары, мақсаттары, міндеттері, мақсатты индикаторлары және нәтижелер көрсеткіштері» бөлімінде берілген міндеттер көрсеткіштері бойынша жүзеге асырылады.

Бағдарламаларды іске асыруға қатысатын әртүрлі жақтардың өзара іс-қимылын, сондай-ақ аталған бағдарламаларды іске асыру барысына сыртқы ортаның әсерін талдауды ескере отырып дайындалған көкейкесті қорытындылар және жоспарланған іс-шараларды іске асырудың тиімділігін арттыруға және қойылған мақсаттарға қол жеткізуге бағытталған қажетті шараларды қабылдау мониторингтің нәтижесі болып табылады.