Кеңес қоғамының болашағы жайлы ғылыми жағынан негізделген пікірталастар 1988-1989 жылдары кең өрістеді. Экономика мен саяси қондырғының арасындағы тікелей байланысты көрсеткен мақалалар жарық көрді. Қазақстанда А.Қошанов, Д.Сембаев, Е.Арын т.б. ғасылдар республика экономикасы дамуының заңдылықтарын жан-жақты зерделеген, кемшіліктерін көрсеткен терең экономикалық тұжырымдар ұсынды. Қазақстанда республиканың әр түрлі даму бағыттарын объективтік тұрғыдан зерттей бастаған саясаттанушылардың, социологтардың, мәдениеттанушылардың отандық мектептері қалыптаса бастады.
|
Қазақстан Компариясы Орталық Комитетінің бірінші хатшысы Н.Ә.Назарбаев жанына жаңаша ойлайтын саясаткерлерді топтастырды. Елде біртіндеп демократиялық ұстанымдар қалыптаса бастады. КСРО-ны жайлаған саяси дағдарыс, одақтың аса ауыр жағдайда ыдырау үдерісі саяси жүйені реформалауды қажет етті. Дағдарыстан шығудың бір жолы Президенттік қызметті енгізу болатын.
|
1989 ж.22 қыркүйек – «Қазақ КСР тілдері туралы» Заң (қазақ тілінің мәртебесі – мемлекеттік тіл, орыс тілі – ұлтаралық қатынас тілі).
1988 жылғы «Жазықсыз жазаланғандарды ақтау жөніндегі қаулы». (Ш.Құдайбергенов, А.Байтұрсынов, М.Жұмабаев, Ж.Аймауытов, М.Дулатов т.б.)
1989 жылы ақын О.Сүлейменовтың бастамасына «Невада-Семей» экологиялық қозғалысы құрылды.
Саяси бағыттағы одақтар, қоғамдар құрылды («Азамаь», «Ақиқат», «Әділет», «Азат», «Желтоқсан», «Парасат» және т.б.)
|
