Жарақаттық буын шғығуы зақымдалулардың 1,5-3%-ын құрайды және жиі кездеседі. Негізгі мөлшері иык буынының үлесіне тиеді - 50-80%. Бұл иық сүйегі басының көлемі мен пішінінің жауырынның буын бетіне сәйкес келмеуімен түсіндіріледі.
Патологиялық буын шығуы әдетте, буын қуысы мен сүйектің буындық ұштарында дамитын, әртүрлі патологиялык (деструкциялық) үрдістердің нәтижесінде пайда болады. Мұндай буын шығуы көбінесе сүйек-буын туберкулезінде, созылмалы остеомиелитте, моно- және полиартриттерде, артроздарда, полимиелит кезіндегі аяқ-қолдың әлсіз салдануында, неврогенді артропатиялардың кейбір түрлерінде, ісіктерде, остеодистрофияларда, остеохондропатияларда болуы мүмкін.
Достарыңызбен бөлісу: |
