ҚАЗАҚСТАН РЕСПУБЛИКАМЫ БІЛІМ ЖӘНЕ ҒЫЛЫМ МИНИСТРЛІГІ АБАЙ МЫРЗАХМЕТОВ АТЫНДАҒЫ КӨКШЕТАУ УНИВЕРСИТЕТІ
БАЯНДАМА ИМАНБАЕВА БЕКЗАТ МЫРЗАБАЕВНА
Білім беру бағдарламасы:7М01101 Педагогика жєне психология
Тақырыбы:КОМПЬЮТЕРМЕН ОҚЫТУ ТЕХНОЛОГИЯСЫН ПАЙДАЛАНЫП ОҚУШЫЛАРДЫҢ ОҚУ ТАНЫМДЫҚ ІС-ӘРЕКЕТІН БАСҚАРУ ШАРТТАРЫ
Көкшетау, 2021
КІРІСПЕ
Зерттеу өзектілігі.XXI ғасыр - бұл ақпараттық қоғам дәуірі, технологиялық мәдениет дәуірі, айналадағы дүниеге, адамның денсаулығына, кәсіби мәдениеттілігіне мұқият қарайтын дәуір. Жалпы оқытудың мақсаты- оқушыны дамыту. Осы мақсатқа сәйкес жас және педагогикалық психологиясында, сондай - ақ оқыту теориясында негізгі орын алған мәселе- дамыта отырып оқытуды зерттейтін бағыт. Білім беру үрдісін ақпараттандыру және компьютерлік технологияларды пайдалану арқылы дамыта оқыту, дара тұлғаны бағыттап оқыту мақсаттарын жүзеге асыра отырып, оқу тәрбие үрдісінің барлық деңгейлерінің тиімділігі мен сапасын жоғарлату бүгінгі күннің басты талабы болып саналады.
Ұлы ғалымдар, педагогтар Әл Фараби, Я.А.Коменский1, И.Г.Песталоцци2,А.Дистерверг3,К.Д.Ушинский4, Н.Г.Чернышевский5, Ы.Алтынсарин6 оқытудың негізінде оқушылардың ой дербестігін арттыруға, оларды өздігімен білім алуға үйретуге ерекше көңіл аударған.
Педагогика және психология әдістеме саласы бойынша оқушылардың танымдылық әрекетін арттыру жолдарын Б.А. Тұрғынбаева 7, Г.Қ.Нұрғалиева 8, С.Қ.Қалиев9, К.Ж.Қожахметова10, М.М. Жанпиісова, Д.Н.Исабаева және т.б. ғалымдар зерттеген.
Алайда аттары аталған ғалымдардың еңбектерінде біз зерттеп отырған тақырыбымыз өз деңгейінде ашылмағанын аңғардық. Зерттеу нәтижесінде төмендегідей қарама қайшылықтараңғардық. Яғни:
оқу үрдісінде жаңа технологияларды іске асырудың жүйелі ғылыми әдістемелік жолдарының нақты анықталмауы;
мұғалімдердің компьютерлік технологияларды меңгеру және оқу үрдісінде пайдалану бойынша кәсібі біліктерінің жетілдірілмеуі;
Осы қайшылықтардың шешімін іздестіру біздің зерттеу жұмысымыздың тақырыбын «Компьютермен оқыту технологиясын пайдаланып оқушылардың оқу танымдық іс-әрекетін басқару шарттары» деп таңдауымызға негіз болды.
