Оқытуды ұйымдастыру формасы —
оқыту процесінің мақсаттары мен
міндеттерін іске асырудағы мұғалім мен оқушылардың іс-әрекетінің сыртқы
көрінісі.
Оқыту әдістері
— оқытудың мақсатты міндеттеріне сай оның мазмұнын
оқушыларға меңгертуде мұғалім мен оқушылардың қолданатын амал-тәсілдері
мен құралдарының жиынтығы.
Оқу тәсілдері
— оқыту әдісінің құрамды бөлігі немесе бір қыры, яғни
жалпы «әдіс» түсінігіне байланысты жалқы ұғым.
Оқу құрал-жабдықтары —
бұл білім алу, ептіліктерді қалыптастыру
көздері. «Оқу құрал – жабдықтары» түсінігі кең және тар мағынада
қолданылады. Тар мағынада бұл түсінік оқу және көрнекі құралдары, көрсетпе
жабдықтар, техникалық саймандар және т.б. байланысты. Ал кең мағынада оқу
құрал-жабдықтары деп білім мақсатын іске асыруға көмекші жағдаяттардың бәрі
деп түсінеміз, яғни оқыту әдісі, формасы, мазмұны, сонымен бірге оқудың
арнайы бұйымдарының бәрі осы оқу жабдықтарын құрайды.
Педагогикалық технологиялар
— теориялық білімдерді тұтас
педагогикалық үрдістің қызметін практика жүзінде іске асыруға бағытталған
және сол үрдіс нәтижелерін кезеңдер бойынша өлшеп, тұлғаның да, ұжымның да
даму динамикасын көруге болатын, педагогтар мен оқушылардың өздерін-өздері
дамытуларына мүмкіндік тудыратын жүйелі іс-әрекеттер кешені.
Сабақ –
мазмұны, уақыты, ұйымдастырылуына қарай аяқталған оқыту
үрдісінің бөлігі.
Сабақ –
ол ұжымдық оқыту формасы, оған оқушылардың тұрақты құрамы,
шектелген оқу уақыты (45 минут), алдын-ала құрылған сабақ кестесі, оқу
жұмысын бір ғана материал төңірегінде ұйымдастыру тән.
Сабақ құрылымы —
сабақтың барысында оның құрамдас бөліктерінің,
кезеңдерінің бір-бірімен ұштасып, белгілі тәртіппен жүзеге асырылуы.
Сандық білім беру ресурстары (бұдан әрі - СББР
) - интербелсенді
формада оқытуды қамтамасыз ететін оқытылатын пәндер мен (немесе)
модульдерге
арналған
дидактикалық
материалдар:
фотосуреттер,
бейнероликтер, статикалық және динамикалық модельдер, виртуалды шындық
пен интербелсенді модельдеу объектілері, дыбыстық жазбалар және басқа да
цифрлық білім беру материалдары;
Достарыңызбен бөлісу: |
