9.1.9-9.1.10 Тақырыбы: Химиялық реакция жүруінің негізгі заңдылықтары
Сағат саны 2
Тақырыптың негізгі сұрақтары/ жоспары:
1. Химиялық реакциялардың энергетикалық сипаттамалары.
2. Термохимия. Гесс заңы. Энтальпия.
3.Энтропия. Гиббс энергиясы. Реакция жүру бағытын анықтау
Дәріс тезисі
Химиялық реакциялар жүргенде бастапқы байланыстар үзіліп, жаңа байланыстар түзілгендіктен жылу эффектісі байқалады, жылу сіңіріледі немесе бөлінеді. Қысым тұрақты жағдайдағы реакцияның жылу эффектісі энтальпия деп аталады.
Жылу бөле жүретін экзотермиялық реакцияларда энтальпия мәні теріс, жылу сіңіре жүретін эндотермиялық рекцияларда оң болады. Гесс заңы қолданылып кез-келген 1 моль заттың стандарт жағдайда жай заттардан түзілу жылуының мәндері арқылы реакцияның жылу эффектісі анықталады.
1.Кез-келген жүйенің толық энергиясы ішкі энергия қорымен өлшенеді(Е=U).
Жүйеге берілген жылу ішкі энергияның өсуіне және сыртқы күштерге қарсы жұмсалады:
Q=ΔU+A
Бұл теңдеу термодинамиканың бірінші бастамасының матеметикалық өрнектелуі.
Химиялық реакциялар көбіне тұрақты қысымда жүреді, сондықтан жылу эффектісі энтальпия өзгерісімен анықталады: Qp =ΔН
Стандарт жағдайда ( tº =25º С, p=101,3 кПа) 1 моль заттың жай заттардан түзілу энтальпиясы стандарт түзілу энтальпиясы(ΔН0f,298) деп аталады. Жай заттардың түзілу энтальпиясы нольге тең болады.
Достарыңызбен бөлісу: | 
