+ 212 0,2756
Ескерту. Ондық бөлшекті 10,100,1000,..., яғни, 10nсандарына көбейту (бөлу) үшін, үтірді оңға (солға) n таңба санға жылжыту керек. Ондық бөлшекті бүтін санға бөлу. Егер бөлінгіш бөлгіштен кіші болса, онда бөліндінің бүтін бөлігіне ноль жазамыз да, одан кейін үтір қоямыз. Содан кейін, үтірге көңіл аудармай, бөлінгіштің бүтін бөлігінің оң жағына оның бөлшек бөлігінің бірінші цифрын тіркеп жазамыз; егер бөлгіштен кіші сан шығатын болса, онда үтірден кейін ноль жазамыз да, бөлінгіштің тағы бір цифрын тіркейміз; егер бұдан кейін де бөлгіштен кіші сан шығатын болса, онда тағы бір ноль жазамыз және т.с.с., бөлгіштен үлкен сан шыққанша жалғастыра береміз. Әрі қарай бөлу бүтін сандар жағдайындағыдай орындалады; қажет болса бөлінгіштің соңына нольдері тіркеп жазу арқылы оны оңға қарай «кеңейтуге» болады.
Егер бөлінгіш бөлгіштен үлкен болса, онда алдымен оның бүтін бөлігін бөлеміз; бөліндіде бөлу нәтижесін жазып, соңына үтір қоямыз.
Бұдан кейін бөлу алдыңғы жағдайдағыдай жүргізіледі.
