Паралогизм деп логикалық ойлау зандылықтарын және ережелерін білмегендіктен, байқаусызда жіберілген логикалық қателіктерді айтады. Паралогизм көп жагдайда деректерді, мәліметтерді дұрыс түсінбегендіктен, оларга объективті түрде дұрыс бага беруге кедергі болады. Паралогизмнің мысалы: Кейбір адамдар жақсы, сапалы, модельді киімдерді беделді дүкендерден алу керек деп есептейді, себебі халық арасында осындай пікір қалыптасқан. Адамдарга өздері тәуелсіз бага беруден гөрі кепшіліктің пікіріне қосыла салуы әлдеқайда жеңілірек. Бірақ бұл жерде олар бір нәрсені ескермей отыр, ол — беделді дүкендерге де, жай қарапайым дүкендерге де, базарга да тауарларды әкелуші бір фирма болуының мүмкін екендігі. Софизм — логиканың зандары мен ережелерін сақтай отырып, әдейілеп жіберілген қателік. Софизм —заттардың, құбылыстардың сырттай ұқсастыгын, ұғымдардың қос магыналылыгын пайдалану, бір затты не құбылысты өзі тектес заттар, құбылыстар байланысынан бөліп алу сияқты әдістерді қолдану арқылы жүзеге асады.
