Білім беру саласы: Денсаулық. Әлеумет Бөлімі: Денешынықтыру.
Тақырыбы: Біз – кішкентай спортшылар
Мақсаты: Еңбектеу және допты алға-жоғары лақтыру дағдыларын қалыптастыру. Міндеттері: еденде бүйірімен тұрған сатының тепкішектерінің арасымен еңбектеуді үйрету, қол мен аяқтың жұмысын үйлестіруге дағдыландыру.
Доп ұстаған қолдарымызды бастан асырып артқа қарай ұстау және бүгілген қолды жазып, доптың алға және жоғары қарай ұшу бағытын қамтамасыз ету; қимылдардың орындалу ретін сақтау қабілетін нығайту. Үйлестіру қабілетін, организмнің жалпы төзімділігін, икемділігін дамыту. Спортпен шұғылдануға дағдыландыру, салауатты өмір сүруге тәрбиелеу. Күтілетін нәтиже: жасайды: доппен түзету жаттығуларын, допты қос қолдап бастан асыра лақтыру, еденде бүйірінен тұрған баспалдақ аралықтарының арасымен еңбектеу жаттығуларын; ойындағы рөлдерді.
түсінеді: шеңберге, қатарға қалай тұру керектігін; доппен қарапайым фигуралар жасау жолдарын; тепе-теңдік сақтау әдістерін.
қолданады: доппен жалпы дамытатын жаттығуларды орындау, төрт аяқтап еңбектеу, допты бастан асыру тәсілі арқылы алысқа лақтыру, кеңістікте бағдарлау қабілетін.
