Валентті байланыстар әдісі (ВБӘ). ВБ әдісі шектелген, екі орталықты, екі электронды химиялық байланыстарды қамтиды. Байланыс түзу үшін әрбір әрекеттесуші атомда бір жұптаспаған электрон болуы қажет. Атомның байланыс түзуге қатысуы барысындағы сандық өлшемі жұптаспаған электрон саны болып табылады. Жұптаспаған электрондардың максимал мүмкін саны (қозған жағдайларын есепке алғанда) элементтің максимал мүмкін валенттілігін анықтайды. Әдіс молекулада спиндері параллель валентті электрондардың болуына жол бермейді; қосылыстарда әрбір элементтің валенттілігі қаныққан болуы керек.
Валенті байланыстар әдісіндегі гибридтелу түсінігінің маңызы зор, ол тәжірибелік мәліметтерді түсіндіру үшін енгізілген. ВБ әдісі шеңберінде бірдей беріктікті түсіндіру қиын. Мысалы: СН4 түзілуіне энергиялары әртүрлі (2s және 2p) АО қатысатындықтан, ол төрт байланыс түзеді. ВБ әдісі молекулалардың құрылымдық формулаларына сүйенеді, сондықтан бұл әдіс өте көрнекті. Құрылымдағы әрбір сызықпен қарама-қарсы спинді электрондық жұптары көрсетіледі.
