Sоlutіо Аmmоnіі саustiсі 10% - аммиактің 10% ерітіндісі (мүсәтір спирті): сілтілік қасиеті болғандықтан жуғыш әсері бар, сондықтан хирургтар қолдарын Спасокукоцкий Кочергин әдісімен жуу үшін қолданылады (0,5% еріт.). Есінен таңған адамның тыныс алуын қалпына келтіру үшін тітіркендіргіш зат ретінде қолданады. Әсер ету механизмі: микроб жасушасының қабықшасынын өткізгіштігін бұзады.
9. Детергенттер. Жуғыш қасиеті мен микробқа қарсы белсенділігі жоғары болып табылатын беттік белсенді заттар. Хирургиялық құрал жабдықтарды, операциялық алаң мен хирургтің қолын өңдеуге, бөлме және науқастың күтіміндегі заттарын зарарсыздандыру үшін қолданады. Ақуыз концентрациясы жоғары ортада (ауру бөлінділері, ірің) әсер етпейді. Детергенттердің тітіркендіргіш әсері жоқ және улылығы төмен. Катионды детергенттердің антибактериалды белсенділігі анағұрлым жоғары.
