Жұмыстың теориялық және парктикалық мәні. 5, 9, 11 сыныптардың оқушылары, 18-23 жас шамасындағы жастар үшін дене тәрбиесі даярлығының Президенттік сынамалары сынақтары мен нормативтерінің түрлері және 23 жастан асқан халық үшін 1,5 милге (2400 м) жүгіру нәтижелері бойынша денсаулық деңгейін бағалау кестесі кестелерде көрсетілген ( 1, 2-қосымшалар).
Жұмыстың мазмұны.Президенттік сынамалар нормативтерін тапсыруға әзірлік Президенттік сынамалар нормативтерін орындауға әзірлік оқушылар мен студенттер үшін оқу орындарындағы оқу сағаттары және оқудан тыс дене тәрбиесі-сауықтыру және спорттық жұмыстар процесінде, еңбек ететін жастарға - спорттық секцияларда, жалпы, дене тәрбиесі даярлығы топтарында, дербес жүзеге асырылады.
Республикада, облыстарда, аудандар мен қалаларда Президенттік сынамаларды орындау жөніндегі жұмысқа басшылық және бақылау жасау Қазақстан Республикасының тиісті жастар ісі, туризм және спорт басқармаларымен (комитеттерімен), Қазақстан Республикасының Білім министрлігінің дене тәрбиесі басқармаларымен жүзеге асырылады. Президенттік сынамалар бойынша жұмысты ұйымдастырудың жауапкершілігі жалпы білім беретін мектептерде, кәсіби-техникалық мектептерде, колледждерде, жоғары оқу орындары мен ұйымдарда — әкімшілікке жүктеледі. Президенттік сынамалар бойынша практикалық жұмыстардың тікелей жауапкершілігі оқу орындарында - дене тәрбиесі оқытушысына (жетекшісіне), медқызметкерлерге, ұйымдарда мамандар мен спорт жөніндегі нұсқаушы-әдістемешілерге, жаттықтырушы-оқытушылар мен медқызметкерлерге жүктеледі.
