Фразеологиялық тұлғаның эллипсис тәсілімен жасалған ОФ

Жазушы алуан тұрақты тіркестерін әр қырынан құбылтып, шеберлікпен түрлендіре түсетін ықшамдау түрлерін контекст бойында ұтымды пайдаланады. Біз қарастырғалы отырған сондай құбылыс – эллипсис құбылысы.

«Жалпытілдік қолданысқа тән түрлендіруге эллипсис немесе фразеологизмдердің белгілі бір сыңарларын түсіріп қолдану, ықшамдау тәрізді квантативті өзгертулер жатады. Мысалы: сайда саны жоқ, құмда ізі жоқ– сайда саны, құмда ізі жоқ; әзілде кек жоқ, өсекте шек жоқ – әзілде кек, өсекте шек жоқ; малына құрық сілтеді, басына сырық сілтеді – малына құрық, басына сырық сілтеді» [22, 51 б.].