Мектептің техникалық жағдайын талдау. Бұл кезеңге денсаулық жағдайы мен оған әсер ететін факторлар туралы ақпарат жинау, оны жүйелендіру мен талдау жұмыстары кіреді.
Мектеп командасы, біртіндеп мынандай іс-шараларды жүзеге асырады:
оқушылар мен мектеп қызметкерлерінің денсаулық жағдайын санамалап талдау.
Соңғы бірнеше жылдың ішіндегі ресми статистика мен профтексерулер деректері бойынша сырқаттанушылық құрылымы мен деңгейі талданады, және де оқу процесіне қатысушылардың барлығының физикалық және психикалық даму деңгейі талданады.
Статистикалық есеп құжаттары, медициналық карталар, профилактикалық тексерулердің нәтижелері, ауырғанына сәйкес сабақтан қалу деректері, басқа да статистикалық көрсеткіштер ақпарат алу көздері болып табылады.
Жағдайды осылай талдау білім алу процесіне қатысушылардың сырқаттануының сандық көрсеткіштерін анықтауға мүмкіндік береді.
2) сауалнама жүргізу негізінде мектеп оқушыларының өмір сүру салтын талдау:
оқушылардың білім беру мекемесіндегі қимыл-қозғалыс белсенділігінің көлемі
сабақтан тыс кездегі қимыл-қозғалыс белсенділігінің көлемі (спорт мерекелері, денсаулық күндері, жарыстар);
сабақтан тыс және каникул кездеріндегі спорттық-сауықтыру жұмыстары: түрлі жастағы, жыныстағы оқушылар үшін дене шынықтыру-сауықтыру сабақтарының (секциялардың, үйірмелердің) жеткілікті мөлшерде болуы;
мектеп оқушыларының денсаулығын нығайту ісіне ата-аналар мен олардың сайланбалы органының жәрдемдесуге жұмылдырылуы;
оқушыларды психологиялық кеңес берумен қамту;
денсаулықты нығайтуға, балалар мен жасөспірімдердің салауатты өмір салтын насихаттауға байланысты конкурстар, конференциялар, мерекелер, оның ішінде балалардың көркем шығармашылығы фестивалдерін өткізу;
мектепті және оқу кабинеттерін балалар мен жасөспірімдердің гигиенасы, денсаулығын қорғау және салауатты өмір салтын қалыптастыру мәселелері жөніндегі көрнекі үгіт құралдарымен безендіру;
білім беру мекемелеріндегі балалар мен жасөспірімдердің жұқпалы емес және мектепте туындауы мүмкін аурулармен сырқаттануы бойынша қауіпті факторларды мониторингтеу;
мектепте медициналық пункттің (медициналық кабинеттің) болуы;