«Шикі» жасұнық. Малдың ас қорыту сөлінде жасұнықты қорытатын целлюлоза ферменті болмайтындықтан, бұл топтағы көмірсуларды күйісті мал қарынының алдыңғы бөлімдері мен қарапайым қарынды мал мен құстың соқыр және тік ішегінде жетілетін целлюлоза-ыдыратушы микрофлора ферменттері қорытады. Орта есеппен, желінген жемшөп жасұнығының сиыр мен қойдың месқарынында - 50-90%, жылқының тоқ ішігінде - 13-40%, шошқаның соқыр ішегінде - 3- 25%, қоянның соқыр ішегінде 67-78% қорытылады. Соңғылардың жасұнықты жоғары қорытуына копрофагия деп аталатын түнгі (жұмсақ) тезегін жеу құбылысы көмектеседі.
