Интеллект коэффициенті IQ — адамның интеллект дәрежесінің сандық бағасы (ақыл-ой дамуының коэффициенті).
EQ- эмоциялық дамудың сапалық коэффициенті, өмір бойы даму үстінде болады.
Эмоциялық интеллект
Эмоциялық интеллект – адамның өзінің және өзгелердің эмоциясын түсіну және олардың эмоциялық күйіне бейімделу икемділігі.
Эмоциялық интеллект идеясы Эдуард Торндайк, Джой Гилфорд, Ганс Айзенк сынды авторлар зерттеуге алған «әлеуметтік интеллект» ұғымынан шыққан.
1990 жылы Питер Салоуей «эмоциялық интеллект» ұғымын алғаш анықтап, оны «эмоцияда көрінетін тұлға көріністерін қабылдау және түсіну, интеллектуалды үрдістер негізінде эмоцияны басқару» деп тұжырымдайды.
Эмоциялық интеллект төрт бөлімнен тұрады:
1) өзінің және басқа адамның эмоциясын қабылдау немесе сезіну қабілеті;
2) өз эмоциясын ақыл-ойға бағыттау;
3) эмоция көріністерін түсіну қабілеті;
4) эмоцияны басқара білу.
