ІІІ кезең – мұғалімнің қарым-қатынас жағдайларына байланысты жағдаяттарды құруы, топтық тапсырмаларды өңдеуі (ақпаратты өзара алмасу, жасалған жұмыс бойынша есеп беру, оны бақылаушы топпен бағалау);
IV кезең – мұғалімнің оқушыларды іскерлікті оқу құралдарының көмегімен әрі қарай меңгеруін қолдауы.
Ынтымақтастық дегеніміз – оқушы мен ұстаз бір-бірінің жан дүниесін түсініп, ортақ іс-әрекеттің барысы мен нәтижесін бірігіп талдауы. Қарым-қатынас жүйесі ретінде ынтымақтастық сан алуан болғанымен, оның ішіндегі ең маңыздысы «мұғалім – оқушы» қатынасы. Мұғалім мен оқушы қарым-қатынасы – ғылыми тұрғыдан қаралатын күрделі мәселе, өйткені ол оқушы мен мұғалім екеуінің қарым-қатынасы негізінде қалыптасады. Сондықтан бұл қарым-қатынас оқушының жеке қасиеттерінің қалыптасуына зор ықпал етеді.
Ата-аналармен ынтымақтасу дегеніміз – балаға үйде де, мектепте де бірдей талап қою деген сөз емес. Ата-аналарды педагогиканың, технологияның, дербес әдістеменің негіздерімен таныстырып, өз баласын сүюді үйрету. Ол үшін балаларды жаман, жақсы деп бөлмей, ата-анаға өкпе-арыз айтпай, оқуда, тәрбиеде балаға жәрдем керек болса, бірлесіп аяғынан нық тұрғызуға көмектесу. Яғни әрбір оқушының жеке басын тәрбиелеудің стратегиясын білу үшін мұғалім әр түрлі әдіс-тәсілдер арқылы олардың ата-аналарымен тығыз байланыста болуы керек.
Ұсынылатын әдебиеттер: 1 Манабаева А.Ш., Абылайхан С.М., Байжұманова Н.С. Оқытудың жаңа технологиялары Қарағанды: ҚарМУ баспасы, 2010. – 204 б.
2 Педагогика. Дәріс курсы. Алматы, 2003.
3 Оқыту технологиясының түрлері. Куәлік №1235 11 қазан 2012. Самашова Г.Е., Құрымбаев С.Ғ., Егоров В.В. және т.б.
4 Селевко Г.К. Современные образовательные технологии. - М.: Народное образование, 1998.
5 Овакимян 10.0. Моделирование структуры и содержания процесса обучения.-М.: 1964,-264с.
6 Егоров В.В., Шкутина Л.А., Полупан К.Л., Антонова Н.А. Электронный учебник «Современные педагогические технологии» - Свидетельство о регистрации объекта интеллектуальной собственности № 297 от 02.11.04г.
