Алматы 2010 Мұхаммед Юсуф Кандахлауи
жүктеу/скачать 1,93 Mb. Pdf көрінісі
|
a36f9f486a44c567f2c1adc75b0221ce
| 15. худАйбия КЕлІСІМІ
Аллаһ расулының Қағбаны зиярат жасауына Құрайыштардың кедергі болуы Мисуар ибн Махрама мен Мәруан былай дейді: «Аллаһ расулы Худайбия келісімі жасалған кезде, са- хабаларымен бірге жолға шығады. Әлдебір жерге кел- ген кезде, Пайғамбарымыз (с.а.с.): «Халид ибн Уәлид Құрайыштың атты әскерімен бірге қазір Ғамимда. Оң жақты байқаңдар», – дейді. Шынында да, сүт пісірім уақыттан соң Халидтің төбесі көрінді. Ол атының ба- сын кері бұрып, жағдайды Құрайышқа хабарлайды. Бұл кезде Пайғамбарымыз сахабаларымен бірге бір жотаға жеткен болатын. Пайғамбарымыздың түйесі жүрісін кілт тоқтатып, жерге шөгеді. Адамдар түйені тұрғызуға қанша күш салса да, ойсыл қара тұқымы тырп етпеді. Былайғы жұрт: «Қасуа тұра алмай жатыр! Қасуа тұра алмай жатыр!» – деп әбігерге түседі. Сүйікті Пайғамбарымыз (с.а.с.): «Жоқ, ол тұра алмағандықтан емес, Әбраханың пілін кім тоқтатса, мұны да сол тоқтатты. Өйткені бұл түйенің мұндай әдеті жоқ бола- тын. Аллаһқа ант етемін, егер олар Аллаһтың қасиетті деп белгілеген нәрселеріне құрмет көрсеткен жағдайда, менен не қаласа да, ризалық білдіремін», – дейді. Осы- ны айтып, түйесін түртіп қалған кезде ол орнынан атып тұрып, желе жөнелді. Ол Худайбияның шеткі аймағына жеткен соң, түйесінен түседі. Кенезесі кепкен елге ауыз тұшымайтын су табылады. Көпшілік қанша үнемдесе 139 Ибн Хиббан, Сахих 1/521 (288) Ибн Хажар, әл-Исабә 1/566 131 Аллаһ пен расулына шақыру де, бір кезде су таусылады. Олар шөлдегенін айтқанда, Пайғамбарымыз қорамсағынан оқ алып, оны судың қайнарына қоюды бұйырады. Осыдан соң қайнардың ернеуі суға толып, қаталаған жұрт қанғанынша ішеді, ыдыстарына да құйып алады». бүдәйлдің Аллаһ расулына хабары Бірде Хижаз халқынан Аллаһ расулына етене жақын болып кеткен Хузаа тайпасынан Бүдәйл ибн Уәрка әл-Хузаи бірнеше адаммен сау ете қалады: «Мен өтіп бара жатып Кағыб ибн Луәй мен Амир ибн Луәй тайпаларының Худайбияның ең жақсы бұлақтарының басына орналасқанын көрдім. Сауынды, боталы түйелері де бар екен. Олардың сенімен соғысуға келе жатқандығы және сенің Қағбаны зиярат етуіңе кедергі келтірмек ниетін байқадым», – дейді. Пайғамбарымыз (саллаллаһу аләйһи уә сәлләм) : «Біз ешкім- мен соғысуға келген жоқпыз, тек ұмра жасауға кел- дік. Сондай-ақ Бәдір мен Хандақ соғысы Құрайышты әлсіретіп, оларды едәуір шығынға ұшыратты. Қаласа, олармен уақытша бітімге келеміз, бұдан бы- лай басқалар мен менің арама килікпесін. Егер мен жеңіске жетсем, қалағаны Исламға кіреді. Жеңіліс тапсам, менен құтылып, армандарына жетеді. Бұл уақытша бітімді қабылдамаса, Аллаһқа ант етемін, осы жолда қасық қаным қалғанша күресемін. Аллаһ міндетті түрде уәдесін орындайды», – дейді. Бүдәйл: «Айтқандарыңды дәл сол күйінде жеткіземін», – деп, Құрайышқа тартады. «Біз ол кісімен сөйлесіп келе жатырмыз. Қаласаңдар, не айтқанын сендерге жеткізейін», – дей- ді. Құрайыштың маскүнемдері: «Мұхаммед туралы 132 Сахабалар салған сара жол хабардың бізге қажеті жоқ», – десе, естілері: «Қане, не естігеніңді айт», – дейді. Ол Пайғамбарымыздың айтқанын жеткізеді. Сонда Уруа ибн Мәсғуд орнынан тұрып: – Ей, Құрайыш қауымы! Сендер менің әкемнің ор- нына әке емессіңдер ме? – дейді. Олар: – Иә, әкеңнің орнындамыз, – десті. – Мен сендердің балаларың емеспін бе? – Иә. – Менен күмәнданатын жерлерің бар ма? – Жоқ. – Укказ халқын сендерге көмекке шақырғанымды, олар бұдан бас тартқанда, өз отбасым мен маған бағынғандарды ертіп сендерге көмекке келгенім естеріңде болар? – Иә. – Олай болса, бұл адам (Пайғамбарымызды меңзеп) сендерге қайырлы бір ұсыныс жасап отыр, ақылға са- лып қабылдаңдар. Мені жіберіңдер, өзімен кездесейін. – Қалауың білсін, – дейді олар. Уруа Аллаһ расулына (с.а.с.) барып, жағдайды баян- дайды. Уруаға да Бүдәйлге айтқан сөздерін қайталаған Пайғамбарымыздың алған бетінен қайтпайтынына көзі жеткен Уруа: «Ей, Мұхаммед! Егер қауымыңның түп-тұқиянына қарасаң, сенен бұрын арабтардан өз қауымымен жаға жыртысқан адамды естідің бе? Егер керісінше іс насырға шапса ше? Мен араларыңдағы та- нымал адамдарды да, әртүрлі тайпалардан жиналған адамдарды да көріп жүрмін. Олардың көпшілігі сені майдан даласында оқ пен оттың ортасында жалғыз тастап қашады», – дейді. |