«Өрлеу» біліктілікті арттыру ұлттық орталығы»
АҚ филиалы Қызылорда облысы бойынша
педагогикалық қызметкерлердің біліктілігін арттыру институты
Функционалдық сауаттылықты қалыптастырудың негізгі бағыттарына шолу: мәселені бірлесіп шешу, математикалық сауаттылық, оқу сауаттылығы, жаратылыстану сауаттылығы, қаржы сауаттылығы, креативті ойлау
Аға оқытушы, п.ғ.м.: Жанар Рзабекқызы Жубауова
Cабақтың мақсаты мен күтілетін нәтижесі Мақсаты:
Функционалдық сауаттылықты қалыптастырудың негізгі бағыттарын білу;
Функционалдық сауаттылықты қалыптастырудың негізгі бағыттарының ерекшеліктерін түсіну.
Күтілетін нәтиже:
Функционалдық сауаттылықты қалыптастырудың негізгі бағыттарын біледі;
Функционалдық сауаттылықты қалыптастырудың негізгі бағыттарын оқытуды жетілдіруде қолдануды біледі.
Глоссарий
Оқу сауаттылығы – білім алушының жазба мәтіндерді түсіну, пайдалану, ойлау және өз мақсатына жету үшін оның мазмұнын қолдану, өз білімі мен әлеуетін дамыту, сонымен қатар қоғам өміріне белсенді қатысу үшін білімі мен мүмкіндіктерін дамыту қабілеті.
Математикалық сауаттылығы– білім алушының әртүрлі жағдайда, өзі өмір сүріп жатқан әлемде математика рөлін анықтау және түсіну, жасампаз, мүдделі және ойшыл азаматқа тән дәйектелген математикалық пікір айту және математиканы қазіргі таңда, болашақта қажеттілікті қанағаттандыру үшін қолдана алу қабілеті.
Жаратылыстану-ғылыми сауаттылығы – білім алушының нақты жағдайларда ғылыми әдіс көмегімен шешілетін, зерттелетін проблемаларды анықтау үшін, тәжірибе мен бақылау негізінде қорытындыға қол жеткізу үшін жаратылыстану білімін қолдану қабілеті.
Глоссарий 4. Қаржылық сауаттылық - қаржымен байланысты және ақылға қонымды қаржылық шешімдер қабылдау, сондай-ақ жеке қаржылық әл-ауқатқа қол жеткізу үшін қажетті білімді, дағдыларды, көзқарастар мен мінез-құлықты ұштастыру; қаржылық шешімдерді орынды қабылдау үшін негіз болатын адамның құзыреттіліктер жиынтығы. Қаржылық сауаттылық терминдерін және қаржылық тәуекелдерді білу мен түсінуді, сондай-ақ жеке адам мен қоғамның қаржылық әл-ауқатын жақсартуға ықпал ететін әртүрлі қаржылық жағдайларда тиімді шешімдер қабылдау үшін қажетті дағдыларды, уәждеме мен сенімділікті, сондай-ақ экономикалық өмірге қатысу мүмкіндіктері.
