Негізгі қимылдар:
Жүру. Шағын топпен ирелектелген лентаның бойымен жүру.
Тепе-теңдік сақтау жаттығулары. Тақтайдың үстімен 20 сантиметр арақашықтықта орналасқан кедергілерден (текшелерден) аттап жүру. Орнында баяу айналу.
Жүгіру. Жүруден жүгіруге керісінше ауысу.
Еңбектеу, өрмелеу. Шектеулі жазықтың, көлбеу тақтайдың бойымен доғаның астымен еңбектеу.
Домалату, лақтыру. .Екі қолмен, әртүрлі тәсілдермен әртүрлі бастапқы қалыпта 0,5-1,5 метр арақашықтықтағы нысанаға (төмен, жоғары) лақтыру.
Секіру: Еденде жатқан секіргіштен, лентадан аттап секіруге үйрету.
Жалпы дамытушы жаттығулар:
Қолдың білектерін, иық белдеуінің бұлшық еттерін дамытуға және нығайтуға арналған жаттығулар. Қолды артқа қою; саусақтарды бүгу және ашу.
Арқаның бұлшық еттерін және омыртқаның иілгіштік қасиетін дамытуға және нығайтуға арналған жаттығулар. Жанында тұрған (отырған) адамға қолындағы заттарды беріп, оңға-солға бұрылу.
Іштің және аяқтың бұлшық еттерін дамытуға және нығайтуға арналған жаттығулар. Орнында жүру.Бастапқы қалыпта тұрып, сол (оң) аяқтың тізесін (заттан ұстап) бүгу.
Қимылды ойындар:
Балаларды ересектермен бірге қимылдары жеңіл, мазмұны қарапайым қимылды ойындар ойнауға ынталандыру.
Спорттық жаттығулар:
Велосипед тебу. Ересектердің көмегімен және өз бетінше рөлді басқаруға үйрету.
|
Достарыңызбен бөлісу: |
