Дредноут– Англияда 1906 ж. жасалған аса қуатты, алысқа ататын артиллериясы бар соғыс кемесі. Бүгіндер ондай кеме линкор деп аталады.
Жалшы – капиталистік қоғам жағдайында ауыл шаруашылығындағы жалдамалы жұмысшылар, жалшы.
Запорож сечі– 16-18 ғ. украин шаруалары поляктардың ауыр езгісінен құтылу үшін бас сауғалап, Днепрдің төменгі шоңғалдарының арғы жағына қашып келгендер ағаштан қорғаныс бекіністер салды. Оны запорожье сечі деп атады. Запорожье сечі әскери ұйым болды. Казактарды өздері сайлаған атамандар басқарды. Сечке әйел жіберілмеді. Бұлар бекіністі тірек ете қырым татарларымен күрес жүргізіп отырды. Запорожье сечі 1775 жылы жойылды.
Император - әуелде жауды ірі жеңіспен жеңген әскери басшыға берілген құрметті атақ. Кейін Рим империясы дәуірінде бақа мағынаға ие болды. Бүгінде отарлы мемлекет немесе ірі, қуатты мемлекет (империя) басшысы.
Империя – (лат. imperium – үстемдік, мемлекет) 1. Император билігіндегі монархиялық мемлекет. 2. отарларға, тәуелді елдерге үстемдік жүргізген отарлы ірі держава. Мысалы, Британия, Франция отарлы империясы. Империализм термині әуелде осыдан шыққан.
Интервент (лат. intervention – килігу, басып кіру) – интервенцияға қатысушы немесе соны ұйымдастырушы, басқа мемлекеттің ішкі ісіне күшпен араласу іс-әрекетін жүргізуші.
Йомен – 1. XIV – XVIII ҒҒ. Англиядағы өз бетінше жер шаруашылығымен айналысатын, мұрагерлік үлесті жері бар шаруалар. 2. Англиядағы жер иеленушілер мен дворяндардан құрылған ерікті атты әскерлер йомен деп аталды.
