3-дәріс. Еңбек қатынастарын реттеу саласындағы мемлекеттік органдар құзыреті Дәріс мақсаты: Қажетті материалдарды баяндай отырып, тақырыпты ашу.
Жоспары: 1.Еңбек қатынастарын реттеу саласындағы ҚР Үкіметінің құзыреті.
2.Еңбек қатынастарын реттеу саласындағы еңбек жөніндегі мемлекеттік құзыретті органның құзыреті.
3.Еңбек инспекциясы жөніндегі жергілікті мемлекеттік органдар құзыреті.
4.Еңбек қатынастарын реттеу саласындағы атқарушы органдар құзыреті.
Қазақстан Республикасының Үкіметі:
1) еңбек, еңбек қауіпсіздігі және еңбекті қорғау саласындағы мемлекеттік саясаттың негізгі бағыттарын әзірлейді және іске асырылуын қамтамасыз етеді;
2) еңбек қауіпсіздігі және еңбекті қорғау саласындағы мемлекеттік бағдарламалардың әзірленуін және орындалуын ұйымдастырады;
3) еңбек қауіпсіздігі және еңбекті қорғау саласындағы мемлекеттік бақылауды ұйымдастыру және жүргізу тәртібін белгілейді;
4) еңбек қауіпсіздігі және еңбекті қорғау саласында ақпарат беру және мемлекеттік статистика жүргізу тәртібін айқындайды;
5) шетелдік жұмыс күшін тарту тәртібін белгілейді;
6) әлеуметтік жәрдемақылардың мөлшерін, оларды тағайындау және төлеу тәртібін айқындайды;
7) екі айдан астам еңбекке уақытша қабілетсіздік мерзімі белгіленуі мүмкін ауру түрлерінің тізбесін бекітеді және т.б.
