3. Алюминийді бөліп алғаннан кейін ерітіндінің анализі. Хромды бақылау. Ерітіндінің сары түсті болуы хромат ионның қатысын көрсетеді. Тексеру реакциясын жүргізуге болады. Ол үшін пробиркаға 5 тамшы сұйылтылған күкірт қышқылын енгізеді, 2-3 тамшы сутегі пероксидін және 1 мл эфир қосып, араластырады. 3–4 тамшы центрифугатты қосады. Эфир қабаттың көкшіл түске боялуы ерітіндіде хромат иондардың болуын дәлелдейді
Мырышты бақылау. Алюминийді бөліп алған соң, 3–4 тамшы зерттелетін ерітіндіге 5-6 тамшы натрий сульфиді ерітіндісін қосады. Мырыш сульфидінің ақ тұнбасы түзілуі, мырыштың болуын нақтылайды. Анализ барысы 3 қосымшада келтірілген.
