Заттардың және олардың ерітінділерінің электр өткізгіштігін сынау.
Бұл тәжірибеде әр түрлі аспаптарды қолдануға болады:1.ПХЭ-электр тоғымен жұмыс істеуге арналған аспап. 2. ОХ-6 аспабы.3. Қолдан жасалған аспап.
Қатты тұз (NaCl немесе KCL ), осы тұздардың ерітінділерін,сілті ерітіндісін,қант ерітіндісін,дистильденген су алыңдар.Осылардың электр өткізгіштіктерін сынаңдар.
Концентрлі және сұйытылған сірке қышқылының электр өткізгіштігін салыстыру.
Стаканға концентрлі сірке қышқылын не сірке ангидридін құйыңдар.Ерітіндіге электрод салыңдар. Шам жанбайды , не әлсіз жанады .Ерітінді үстіне су құйса,шам жарқырап жанады .Конц. сірке қышқылы электр тоғын өткізбейді,сұйылтқанда оның диссоциациялану дәрежесі өседі. Тәжірибеге ток көзі ретінде параллель жалғанған 2 батарея (36 В) және шам (36 В) алынады.
Кристаллогидраттың ыдырау және оның түзілуі.
Құрғақ пробиркаға аз мөлшерде кристалл мыс купоросын салыңдар. Пробирканы штативке аузын сәл жоғары қаратып қиғаштап бекітіңдер.Қыздырыңдар. Көгілдір түсті мыс купоросының түсін жоғалтқанын бақылаңдар.Пробирканы суытып қойыңдар. Бірнеше тамшы су қосса,көгілдір түс қайта пайда болады.
