Ырғыз ауданының 2016-2020 жылдарға арналған аумақты дамыту бағдарламасы
жүктеу/скачать 0,54 Mb.
|
2. АҒЫМДАҒЫ АХУАЛДЫ ТАЛДАУ2.1. Өңірдің оң және теріс жақтарын, сондай-ақ олардың еліміздің әлеуметтік-экономикалық және қоғамдық саяси дамуына ықпал етуін бағалау Ырғыз ауданының әлеуметтiк-экономикалық жағдайын бағалау нақты сектордың дамуымен, денсаулық сақтау, бiлiм және халықты әлеуметтiк қорғау салаларында оң серпінмен сипатталады. Халқы мен аумағы. Ауданның әкімшілік-аумақтық бөлінісі 19 елді мекенді қамтитын 7 селолық округтен тұрады. Ақтөбе облысы әкімдігінің 2015 жылғы 2 қарашадағы № 400 қаулысымен Құрылыс, Құтикөл елді мекендері тірек ауылдық елді мекендер тізбесіне енгізілді. 2016 жылдың 1 қаңтардағы жағдай бойынша аудан халқының саны Ақтөбе облысы статистика Департаментінің мәліметі бойынша 15,240 мың адам, халқының саны жөнінен Ақтөбе облысында ең төменгі орында. Ақтөбе облысының дамуындағы Ырғыз ауданының жағдайы. Ырғыз ауданының экономикасы –ауыл шаруашылығына негізделген. Ауылшаруашылығында өндірілген өнімнің жалпы көлемі 6,3 млрд.теңгені құрады, немесе 2014 жылмен салыстырғанда өсім 1,1 % көрсетті. Бұл салада өндірілген өнім көлемі облыстың көрсеткішінің 5,2% құрайды. Өндірілген өнеркәсіп өнімінің көлемі 2015 жылдың 10 айында 854,7 млн.теңгені құрады, бұл облыстың көрсеткішінің 0,11 % құрайды. Өнеркәсіп өндірісінің негізгі бөлігін ауыл шаруашылығы өнімдерін қайта өңдеу өнімдері құрайды. Ауданның әлеуметтік –экономикалық жағдайы бірқалыпты. Тұрғындардың механикалық қозғалысы атап айтқанда төмендетілген. Адамдардың өмір сүру көрсеткіші жоғарылап, айлық жалақысы өскен. Көлiк инфрақұрылымы жеткiлiксiз дамыған болып табылады, себебі жолаушы және жүк тасымалы тек автокөлік жолдары арқылы жүзеге асырылып келеді.
жүктеу/скачать 0,54 Mb. Достарыңызбен бөлісу:
|