«Музыкалық-эстетикалық тәрбие бұл, ең алдымен, адам тәрбиесі. Балаларға білім мен шығармашылық әлемді сыйлау – үлкен бақыт, ол тәрбиеленушілерден бақыт-бумерангы болып өзіңе қайтады.
Қызметімнің ең маңызды қыры бұл – балалармен қарым-қатынас. Түймедей дәннен көрікті ағаш өсіру, сонымен қатар өз түлектерімді мақтан тұту мүмкіндігі – қызметімнің ең үлкен марапаты деп санаймын».
«Менің мұғалімдік мамандықты таңдауыма өз ұстаздарымның әсері болды, білім беру саласында үзбей қызмет істеп келе жатқанымның себебі – мен өз мамандығымды сүйемін және мұғалім мамандығының мәртебесінің артатынына сенімдімін. Мен өз өмірімді шәкірттерімсіз елестете алмаймын.
Мектептерде үш тілді білім беру, бес күндік оқуға көшу туралы менің пікірім – бұл заман талабы, оқушылар халықаралық деңгейде өз білімдерін жетілдіре алады, жаңа мүмкіндіктер пайда болады».
«Қиыншылықтарды жеңіуде маған білім, шығармашылық қасиеттер мен шыдамдылық, әріптестер мен шәкіртерім көмектеседі.
Менің жетістіктерге жету себептерім - үнемі білім алу. кәсіби шеберлікті шыңдау, тәжірибе тарату және алмасу.
Мінсіз мұғалім деген - заман талаптарына сай біліммен қаруланған, кәсіби шеберлігі жоғары, адамгершілігі мен жауапкершілігі мол, ұшқыр ойлы және іздемпаз жан».