Жүректің қатты соғуы. Бұл симптом жүрек жұмысының күшеюімен сипатталады. Жүректің қатты соғуының себебі өте көп: симпатикалық жүйке жүйесі тонусының жоғарылауы, психоэмоционалдық тұрақсыздық , тиреотоксикоз, дене қызуының көтерілуі, физикалық жүктеме, жүрек жетіспеушілігі және т.б. Жүректің қатты соғуына алып келетін жағдайларды анықтау қажет (тыныштықта немесе физикалық күш түскеннен кейін) . Жүректің қатты соғуының сипаты үнемі немесе ұстамалы түрде болуы мүмкін (пароксизмальды сипат). Жүректің қатты соғуының обьективті көрінісіне тахикардия жатады. Дегенмен, жүйке жүйесінің бұзылысы бар науқастарда жүректің қатты соғуы, жүректің соғу жиілігі қалыпты жағдайда да кездеседі.
