Ауру тарихы ( anamnesis morbi ) Науқастың ауру тарихында қазіргі ауруы бойынша сұрастырады. Аурудың белгілері мен пайда болу мерзімін, оның пайда болуына алып келген жағдайларды,аурудың дамуын анықтау қажет (мысалы ауыр физикалық жұмыс, стресс, алкогольды қолдану). Науқас бұрын соңды осы қазіргі ауруына байланысты медициналық көмекке жүгінді ме, тексерістер және ем жүргізілді ме,емнен кейін науқастың жағдайы жақсарды ма соны анықтау қажет. Осы ауруының соңғы өршуі жайлы науқастан мұқият сұрастыру қажет.
