Жүректің «шалыс» соғуы. Науқастар жүрегінің тоқтап қалғандығындай сезіміне шағымданады. Бұл шағым эмоционалдық стрессте, тиреотоксикозда, дене қызуының жоғарлауында пайда болады. Осының салдарынан көбінесе экстрасистолия болады.
Жөтел. Жөтел тыныс алу жүйесінің және жүрек –қан тамыр жүйесінің көптеген ауруларында байқалады және спецификалық емес симптом болып табылады (мысалы, жүректің митральдық ақауында және туберкулезде жөтел және қан түкіру байқалады). Жүрек-қан тамыр жүйесінің ауруында жөтелдің пайда болуы кіші қан айналым шеңберінде қанның іркілуіне байланысты. Қан түкіру үнемі өкпелік гипертензия мен жүректің ақауларында байқалады (митральдық ақауларда).
Аяқтың ісінуі. Жүрек жетіспеушілігінің дамуында болатын кең таралған шағымдарға жатады. Ісіктің орнын , оның пайда болу уақытын (таңертең, күннің соңында) тамақтанумен, сұйықтық қабылдаумен, физикалық жүктемемен байланыстылығын анықтау керек.
Жүрек жетіспеушілігіне жұмыс күнінің соңында немесе кешке қарай пайда болатын, әсіресе көп мөлшерде сұйықтық қабылдағанда, физикалық жүктемеден кейінгі ісік тән. Бұл оң жақ қарыншалық жүрек жетіспеушілігіндегі аяқта веноздық қанның іркілуіне байланысты.
