3. Жүректің көлденең енін анықтау. Ол үшін IV қабырға аралықта жүректің оң жақ шегінен дененің ортаңғы сызығына дейін өлшейді. Қалыпты жағдайда = 8-9см. тең. Жалпы жүректің көлденең ені = 11-13см.
4. Жүрек конфигурациясын анықтау. Жүрек конфигурациясын анықтау үшін жүрек шегін төстің оң және сол жағын анықтайды. Оң жақта ол II-III-IV қабырға аралығында, ал сол жақта II-III-IV-V қабырға аралығында анықталады.
а) қалыпты конфигурация – жүректің шала тұйық дыбыс шектерінің қалыпты өлшемдерімен сипатталады. Сол жақтағы тамыр будасымен жүректің сол жақ шегінің ортасындағы доғал бұрыш жүрек мықыны деп
аталады.
б) «митральды» конфигурациясы – жүректің митральды ақауларында сол қарынша мен сол жүрекше және жүректің оң бөліктері кеңейеді.Жүрек мықынының тегістелуімен және ісінуімен сипатталады(ІІІ қабырға деңгейінде).
в) аортальды конфигурация («отырған үйрек» тәрізді жүрек) – аорта қақпағының ақауларында сол қарыншаның кеңеюіне байланысты дамиды.
