Тоқ ішектің жоғарылаған бөлігінің пальпациясы Тоқ ішектің жоғарылаған бөлігі оң жақ фланкта , дене осіне параллель орналасқан. Медицина қызметкері науқастың оң жақ белінің астына, 12-ші қабырғадан төмен сол қолдың саусақтарын біріктіріп, тігінен орналастырады.Бұл ішектің пальпациясын жеңілдетеді. Оң қол саусақтарын іштің тік бұлшық етінің сыртқы қырына параллель немесе одан 2 см сыртқа қарай оң жақ фланк үстіне орналастыру керек. Саусақтардың сыртқы беті кіндікке бағытталады, ортаңғы саусақ кіндік деңгейінде орналастырылады.Құрсақпен демді алу кезінде саусақтың сыртқы бетінде тері қатпары түзілетіндей етіп, саусақтарды кіндікке қарай жылжытады. Содан соң науқастан құрсақпен демін шығаруын сұрап, алдыңғы құрсақ қабырғасы босаңсыған кезде саусақтарды терең құрсақ қуысына енгізеді.Содан соң саусақ ұштарымен терең жылжымалы пальпация жүргізеді.Осы кезде валикті айналдырған тәрізді сезім болады.Терең жылжымалы пальпация арқылы ішектің диаметрін , консистенциясын,бетін, қозғалғыштығын, ауырсынуды және шұрыл феноменін анықтайды.
