Ауру тарихы (anamnesis morbi) Аурудың қалай басталып, қалай дамығанын реттілікті сақтап сұрастырған жөн.Сүйек-буындар жүйесінің көп аурулары біртіндеп науқасқа байқалмай басталады.Аурудың жедел басталуы ревматизмдік, инфекциялық (бруцеллездік, дизентериялық, иерсиниоздық урогениталдық) артриттерде байқалады. Бұлшық еттердің жедел зақымдануы миозитте кездеседі. Глюкокортикоидтарды ұзақ қолданған жағдайда остеопороз және т.б. жағымсыз реакциялар пайда болады. Подаграның ұстамасын көп мөлшерді етті тағам жеу және ішімдік ішу тудыруы мүмкін.
